Luka 11:24 - Bhiblia Yo Sawuleka

²⁴ “Moya wa nzambwa, ngako wu txi huma ka m'thu, wu tsimbilela mu ka makhalo o mbi na mati, wu txi lava ko humula. Ngako wu txi kupwata, wu womba tiya: ‘Ni na tshumelela nyumbani kwangu, amu ni nga humela kona.’

Luka 11:24 Referans Kwoze

1 Pedro 5:8

Ti pimelani, mi txi ti wonela; nguko Sathani, mlala wanu, wa mi horolokela nga ngonyamo yi yi bhongako, yi txi lava wo m'kakatxula.

Masalmo 63:1

Txizimu, awe u Txizimu txangu! Na kulava ni si karali! Moya wangu wu na ni ditora ngu ngawe; wotshe mmidi wangu wa kunavela, ku nga mafu a ligwangwa, o oma ma ku si nga ni mati.

Jobe 2:2

Sekoko Mkoma a to khene ka Sathani: U ta ngu hani kani? Sathani a to xamula ka Mkoma, a txi khene: No horolokela ha mafuni ni tsimbila-tsimbila ka ona.

Jobe 1:7

Sekoko, Mkoma a to khene ka Sathani: Uta ngu hani kani? Sathani a to xamula ka Mkoma, a txi khene: No horolokela ha mafuni, ni tsimbila-tsimbila ka ona.

Marku 5:10

Se wu to mkhongotela ti to asi thuki a txi yi tovela kule ni ditiko dile.

Isaya 48:22

Aniko va kubiha kha va na kudikha, kuwomba Mkoma.

Vaefesu 2:2

asiya kale mi nga txi hanyela ka sona, mbimo yi mi nga txi londetela minavelo ya ha mafuni hawa, madingano ni kuranda ka mkoma wu a fumako ka mpfhuka wu wu ku txitimwi ka mafu, i ku moya wu, ni konkuwa, wu thumako hagari ka sindaka-milayo.

Marku 9:25

Jesu ngako a txi wona dibutho di txi mu tutumela, a to kawuka moya wa nzambwa a txi khene: “Awe moya wa wuduma ni wa wuphanzeve, na kuruma: Huma, u nga swe u txi wulela kwakwe.”

Isaya 44:3

Nguko ni na tshakunuta mati txitimwi ka txihala, ni minambo txitimwi ka mafu a kuoma; ni na thela moya wangu txitimwi ka liveleko lako, ni makatekwa angu txitimwi ka vanana vako.

Isaya 35:7

Se mafu a kuoma ma na hinduka me maha sisima, ni mafu a ditora ma nava sisima sa mati; se mazumboni ka maxolwa ku na mila mwasi, ni titshava, ni tiwungu.

Mavingu 4:16

Kha va oteli va si se maha to biha, se wukohe wa va tutuma, ngako va si se wisa m'thu.

Luka 11:25

Se ngako wu txi hoka kona, wu yi mana yi di hiyetwe, na kambe yi di longisilwe.