Luka 11:22 - Bhiblia Yo Sawuleka

²² Kambe ngako ku txi ta mmwani, awu a ku ni mtamo kupinda ene, a txi mu xomela e mu xula, wa mu honyola matxhari awa a nga ti ma thembile, a txi avela vathu asi nene a nga ti handile.

Luka 11:22 Referans Kwoze

Isaya 53:12

Ngu kumaha keto, ni na mninga txyavelo txa votala, se a nga abana sile so handwa kumweko ni va va mtamo ngutu; nguko a tshakunutile muhefemulo wakwe kufani, se e balwa kumweko ni sindaka-milayo; aniko ene a ti rwekile sionho sa votala, kambe a kombelete sindaka-milayo.

Isaya 27:1

Ka ditshiku dile, Mkoma ngu ditxhari dakwe do banga, da hombe, da mtamo, a tsayisa Levhiyatani, i ku mnyoka wa livilo, Levhiyatani, mnyoka wo gombonyeka, kambe a na daya dragoni a ku lineneni.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

1 Johani 4:4

Sivananananu, anu mi va Txizimu, se mi xute vaprofeti va makuhu. Nguko Moya wu wu ku kwanu mbwa hombe kupinda wule wu ku ka vathu va ha ditikoni.

1 Johani 3:8

Awule a mahako txionho mbwa Sathani nguko Sathani, njionhi kukhukhela makhatoni. Mwanana wa Txizimu a ti wonekisile, kasi ku ta fuvisa mithumo ya Sathani.

Vakolosa 2:15

Kristu a fuvisile mtamo wa mimoya ya wunduna ni wukoma, e yi xowokisa masoni ka vathu, e yi xula ko gwitisa ngu txihambano.

Eksodha 15:9

Mlala a ti ti khene: “Ni na va londeta, ni na va mana, ni na va honyolela simaha sawe; ni txi va tekela sotshe si ni si lavako; wu na khura ngu sona moya wangu, ni na swomola ditxhari dangu, ni va fuvisa ngu dianza dangu!”

Luka 11:21

Ngako m'thu wa wurena a txi ñola matxhari, e woneleta nyumba yakwe, simaha sakwe sotshe si zumbisekile kha kwati.

Luka 11:23

Awuwa asi emiko ni nani, a lwa ni nani; awu asi sengeletiko ni nani wa hangalasa.”

Vaefesu 6:11

Ti vhikeleni ngu matxhari a Txizimu, kasiku mi sikota kuxula siduko sa Sathani;

Vaefesu 6:13

Ngu toneto, xomani sivhikelo ni matxhari otshe a Txizimu, kufela ku mi sikota kubamba ka ditshiku do biha, se msana ka kuva mi di ti lulamisete, mi na sikota kutserama.