Luka 11:2 - Bhiblia Yo Sawuleka

² Jesu a to va xamula a txi khene: “Mbimo yi mi khongelako, indani khanu: ‘Tata, ditina dako di na sawulwe, wu nate kwathu mfumo wako,

Luka 11:2 Referans Kwoze

Ekleziyaste 5:2

U nga kuluvetise txisofu txako, hambi mbilu yako yi nga kuluvete kuwomba dipswi dokari masoni ka Txizimu; nguko Txizimu txi nzumani, awe u txitimwi ka mafu; ngu toneto, mapswi ako ma nave amadotho.

2 Makronika 20:6

Se a to khene: Mkoma Txizimu txa vatate vathu, ina hi nga awe Txizimu txa nzumani kani? Hi nga awe u fumako txitimwi ka yotshe mifumo ya vathu kani? Diwokoni kwako ku ni mtamo wotshe, kha ku ngani m'thu wu a nga lwako ni nawe.

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Masalmo 11:4

Mkoma a Nyumbani kwakwe ko sawuleka; Mkoma ana ni txikhalo txakwe txa wukoma nzumani, se ngu maso akwe ma wonako ta tinene, wa xayisa vathu kha kwati.

Mtuletelo 20:4

Konako ni to wona sikhalo sa wukoma. Se avava va nga ti khalahatshile ka sona va to ningwa mtamo wo lamula. Ni to wona kambe mimoya ya vale va nga wilwa misungo ngu mhaka ya wufakazi wa Jesu ni Dipswi da Txizimu; ni vale va nga mbi khizamela txikalani ni txithombe txa txona. Kambe kha va amukela txixambanyo txa txona ha timbanza kwawe mwendo manzani kwawe. Vona va tshumete ve hanya ve fuma kumweko ni Kristu, txipimo txa 1.000 wa malembe.

1 Vatesalonika 1:3

Ha khumbula mithumo yanu ya likholo, kukhutala kwanu ka lirando, ni kutimisela kwanu ka txithembo txi mi ku natxo ka Mkoma wathu Jesu Kristu, masoni ka Txizimu, Tate wathu.

Vafilipiya 4:20

Txi na dhumiswe Txizimu, Tate wathu, ngu malembe ni malembe, Amen.

Vafilipiya 1:2

Kateko ni kudikha si nave ni nanu si txi huma ngu ka Txizimu, Tate wathu, ni ka Mkoma wathu Jesu Kristu.

Vaefesu 1:2

kateko ni kudikha si nave ni nanu, si txi ta ngu ka Txizimu Tate wathu ni Mkoma Wathu Jesu Kristu.

2 Vakorinto 1:2

Kateko ni kudikha si si tako ngu ka Txizimu Tate, ni ka Mkoma Jesu Kristu, si nave ni nanu.

1 Vakorinto 1:3

Kateko ni kudikha si nave ni nanu, si txi ta ngu ka Txizimu, Tate wathu, ni ka Mkoma Jesu Kristu!

Isaya 63:16

Aniko awe u Tate wathu, hambi kule Abrahamu asi hi ziviko, ni Israyeli asi hi alakanyiko. Awe Mkoma, u Tate; Mtiruli wathu, kukhukhela kaleko, ditina dako.

Masalmo 57:11

Awe Txizimu, kombisa wuhombe wako nzumani, wudhumo wako wu na fenengete dotshe ditiko!

Mtuletelo 19:6

Msana keto, ni to engisa txo nga diguwa da dibutho da hombe, do fana ni diguwa da mati o tala, ni kudhinda ka singwalangwanda sa hombe, va txi kha vona: “Haleluya! Nguko Mkoma Txizimu txathu txa mtamo wotshe se ngu txona txi fumako.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

1 Vatesalonika 1:1

Paulo, ni Silivhano, ni Timoti, ka Dibanza da Vatesalonika, ava va lumbako Txizimu Tate, ni Mkoma Jesu Kristu. Kateko ni kudikha si nave ni nanu!

2 Vatesalonika 2:16

Mkoma wathu Jesu Kristu, ngu wutumbu wakwe, ni Txizimu Tate wathu, txi nga hi randa, txi txi hi ninga, ngu kateko ya txona, thavelelo yo mbina magwito, ni txithembo txa txinene,

Vakolosa 1:2

hi bhalela vasawuleki va ku Kolosa, vanathu va kuthembeka ka Kristu: Kateko ni kudikha si nave ni nanu, si txi ta ngu ka Txizimu, Tate wathu!

Varoma 8:15

Ngu toneto, anu kha ma amukela moya wa wukhumbi ti to mi txi telwa ngu kuthava; aniko mi amukete moya wa ku mi maha vanana va mafuyiwa va Txizimu, moya wu wu hi ningako kutsana hi m'dhana ku: “Abba! Tata!”

Matewu 10:32

“M'thu ni m'thu a no ni tumela masoni ka vathu nanani ni na mtumela masoni ka Tate wangu a ku nzumani.

Matewu 5:16

Ngu toneto, kwanu ku na woninge masoni ka vathu, kasiku, ngako va txi wona mithumo yanu ya yinene, va na dhumisa Tate wanu a ku nzumani.”

Matewu 3:2

a txi khene: “Hundulukani, nguko wu hafuhi Mfumo wa nzumani.”

Habhakuki 2:14

Nguko mafu ma na tala ngu kuziva kudhumisa Mkoma, ku nga tile mati ma fenengetisako tona linene.

Hoseya 14:2

Wombani mapswi anu, se mi hundulukela ka Mkoma, mi txi khanu: Thavisa wotshe wubihi, u amukela wunene; se hi na kuninga mphaxo wa sisofu sathu ku nga marole.

Dhaniyeli 7:27

Se mfumo, ni mtamo, ni wuhombe wa mifumo hahatshi ka yotshe nzuma si na ningelwa ka vathu vo sawuleka va Nyatxitimwi; mfumo wawe mfumo wa kwa mbi guma, ni yotshe mitamo yi na mthumela ni ku muengisa.

Dhaniyeli 7:18

Kambe va sawuleki va Nyatxitimwi va na amukela mfumo, kambe va na lumbwa ngu mfumo ngu ha ku si gwitiko, ni kala kupinduka ni kala kupinduka.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Dhaniyeli 2:28

Aniko ku ni Txizimu tximwetxo nzumani, txi txi zivisako sihunja; ngu txona txi nga zivisa mfumeli Nebhukodhonosori ti ti no humelela ka masiku a matako. Mloro wako ni siwoniso si u nga si wona ha m'bhedhuni kwako ngu siya:

Ezekhiyele 36:23

Kambe ani ni na sawulekisa ditina dangu da hombe, di nga nyenyeziswa hagari ka matiko, adi mi ngadi nyenyezisa hagari ka ona; se matiko ma na tiziva taku, ani ngani Mkoma, kuwomba Mkoma Txizimu, mbimo yile ni no sawulekiswa u txi ti wona.

Masalmo 108:5

Txizimu, kombisa wuhombe wako nzumani u txi kombisa mtamo wako ha mafuni!

Masalmo 103:20

Dhumisani Mkoma, anu tingelozi takwe, anu sirumwa sakwe sa mtamo, anu mi londetako sileleto sakwe ni ku mu engisa.

2 Vafumeli 19:19

Konkuwa koko, awe Mkoma, Txizimu txathu, thumelwa ngu kuva u di hi txhatxhisile, ngu kumaha keto, yotshe mifumo ya ha mafuni yi na tiziva ti to ngawe wekha u Mkoma Txizimu.

1 Vafumeli 8:43

Engisa awe nzumaniyo txituluni hale u zumbako kona, u maha madingano ni kudila ka mluveli, kasi votshe vathu va ha mafuni ve ziva ditina dako, va txi na kuthava kufana ni vathu vako va ka Israyeli, va na tiziva kambe a ti to ditina dako da khumbukwa txitimwi ka nyumba yiya ni nga yi aka.

Levhi 22:23

Kambe homu mwendo txifuyo txatxidotho, txo lapha mwendo txo koma, wa sikota ku txi maha mningelo ngu kuranda kwako, aniko ngu kuxambanya kha wu na mbi tumeleka.

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

Vagalatiya 1:4

awu a nga ti ningela ngu mhaka ya sionho sathu, kufela ku hi hulukisa ka nyango yiya yo biha, ya masiku awa, madingano ni kuranda ka txona Txizimu Tate wathu.

Varoma 1:7

Ka motshenu mi manekako Roma, mi ku va kudhundeka ka Txizimu, mi nga dhanwa ku ta maha valulami, na mi navelela makatekwa ni kudikha ka Txizimu Tate wathu, ni ka Mkoma Jesu Kristu.

Luka 11:1

Ku ti ngako Jesu a txi khongela ka wukhalo wokari, txikhati txi a nga gwita, mmweyo ka vagondiswa vakwe a to mkombela a txi khene: “Mkoma, hi gondise kukhongela, nga Johani nene a nga gondisa vagondiswa vakwe.”