Luka 10:7 - Bhiblia Yo Sawuleka

⁷ Zumbani ka yoneyo nyumba, dyanani mi txi sela asi va ku naso, nguko txithumi txi ni fanelo ya muholo wa txona. Mi nga tsimbileni ka nyumba ni nyumba.

Luka 10:7 Referans Kwoze

2 Timoti 2:6

Mdimi wu a thumako ngu kutikarata, ngene a fanelako kuthanga a txi amukela mihando.

Vagalatiya 6:6

Awule a gondiswako Dipswi, a na abane ni m'gondisi wakwe sotshe sa sinene si a ku naso.

Luka 9:4

Nyumba yihi ni yihi mi no wulela ka yona, zumbani ka yona kala kuza mi khukha.

Marku 6:10

A txi va gela ku khene: “Ka nyumba yihi ni yihi mi no wulela, zumbani koneho, kala kuza mi huma.

1 Timoti 5:13

Hahanze keto, vavasikati va va nga felwa i di ngadi vaphya, ngako va si thumi txilo, va gonda kurenzelekela ni miti, i si nga ngu mhaka ya wukara dwe, aniko kambe va ti ningetela mu ka siwombawomba sa kulenga vamwani, ve ti maha valanduli va timhaka ta wutomi wa vane, ve womba-womba ngu ti ti si faneliko kuwombwa.

Mithumo 16:34

Sekoko a to kwela e tsula navo nyumbani kwakwe eya va vekela sakudya masoni kwawe; se a to tsaka ni yotshe ngamu yakwe ngu kuwa va nga kholwa ka Txizimu.

Mithumo 16:15

Se ngako a di bhabhatisilwe, kumweko ni va nyumba yakwe, a to hi kombela a txi khene: “Ngako mi txi ni wona ni di thembekile ka Mkoma, ngonani mi ta zumba nyumbani kwangu.” Se e hi kurumeta kuya kona.

Dhewuteronome 12:12

Se mi na tsaka masoni ka Mkoma, Txizimu txanu, anu ni vanana vanu va majaha ni vamahorana, ni sithumi sanu sa vavamna ni sa vavasikati, ni Valevhi vale va zumbako madhoropani kwanu nguko vona kha va nga ni txyavelo, hambi thomba, kumweko ni nanu.

Mithumo 16:40

Ngako va di humile ngu mkorani, Paulo ni Silasi va to tsula ka Lidhiya. Se ngako va di wonani ni vanawe, va to va laya, ve khukha ve tsula.

Luka 10:6

Se ngako a diho m'thu wa kudikha, kudikha kwanu ku na ya zumba kwakwe; ngako a di walo, kudikha kwanu ku na tshumelela kwanu.

Mitengo 18:31

Kasi ku anu mi na sidya ni ka wuhi wukhalo; anu ni mimwaya yanu, nguko i txhatxhazelo ya mithumo yanu, ayi mi thumako ditendani ka msengeletano.

Dhewuteronome 18:8

a na mana sakudya so dingana ni sa vamwani vaphaxeli, hahanze ka sile asi manako ngu kuxavisa thomba yakwe!”