Luka 10:41 - Bhiblia Yo Sawuleka

⁴¹ Aniko Mkoma a to mu xamula a txi khene: “Marta, Marta, u vilela u txi ti karata ngu sasingi;

Luka 10:41 Referans Kwoze

Vafilipiya 4:6

Mi nga karatekeni ngu txilo, vanathu, aniko mikombelo yanu yi na kombe minavelo yanu ni kubonga kwanu ka Txizimu.

Luka 21:34

“Kambe ti woneleni, kasiku timbilu tanu ti si thuki ti nemelwa ngu kwa mbi ti pimela, ni wudevi, ni kuvilela ngu sa wutomi wuwa, ti to ditshikudo di si mi ñoli ngu txidhukisa,

Marku 4:19

kambe kukhutalela sa mafu awa, ni kukanganyiswa ngu tithomba, ni kunavela ka silo simwani, ku txi welela vona, ku txi kura dipswi, se di si veki mihando.

Luka 12:22

Se a to khene ka vagondiswa vakwe: “Ngu toneto, ni khani kwanu: Mi nga thukeni mi vilela ngu sa wutomi wanu, ti to mi na dya txani, hambi ni si sa mmidi wanu, ti to mi na ambala txani.

Luka 8:14

Ati ti nga wela mipani, ngu va va nga engisa dipswi, aniko, va di ngadi ve tsula masoni, va to di leka di kamaretwa ngu kuvilela ni kudhunda tithomba, ni kutitsakela ka wutomi wuwa, se va si ngadi ve veka mihando ya kuvitwa.

Ekleziyaste 6:11

I ti ditshuri ti to ku ni so tala si engetelako wukanganyisi, nji txani txa txhuko kambe a ku natxo m'thu kani?

Luka 10:38

Ngako a txi tsimbila, ene a to ya wulela ka m'ti wokari, se mmweyo wamsikati, ditina dakwe a nga ti dhanwa ku i Marta, a to mu amukela nyumbani kwakwe.

Luka 10:40

Aniko Marta ene a ti karatwa ngu mithumo yayingi. Ene a to ta, a ta khene: “Mkoma, ina hi nga txilo kwako, akuwa mwanathu a ni lekako ni txi thuma nokhalela kani? Mu gele a txi ta ni vhuneta.”

Johani 11:1

A ti ti ho m'thu wokari wa kulwala, a nga ti dhanwa ku i Lazaro, wa Bhetaniya, mkhokholani ka Mariya ni Marta, mwanawe.

Johani 11:5

Jesu a ti ti mu randa Mariya ni mwanawe ni Lazaro.

Johani 12:2

Va to mmahela txilalelo koneyo. Marta a ti ti va thumela, se Lazaro i ti mmweyo wa vale va nga ti nayo ha sakudyani.