Luka 10:4 - Bhiblia Yo Sawuleka

⁴ Mi nga tekeni txikhwama, hambi msava, hambi masandazi, kambe mi nga khambisaneni thenga hanzila.

Luka 10:4 Referans Kwoze

Luka 22:35

Ngu msana a engetile a txi khene kwawe: “Mbimo yi ni nga mi ruma, mi si nga ni mkwama mwendo msava mwendo masandazi, txi ho txi txi nga mi pwatekela kani?” Vona va to angula va txi kha vona: “Lambi!”

2 Vafumeli 4:29

Se Elixa a to khene ka Gehazi: Tsanisa txiwunu txako, teka mtxheketelo wangu ngu dianza dako, u tsula; u txi mana m'thu wokari u nga mlose; ni kungako wokari a txi kulosa, u nga mxamule; sanzeka mtxheketelo wangu ka khohe ya mfana.

Mavingu 4:25

Maso ako ma na wone ngu kululama, timboni tako ti na wonetele masoni kwako kupune.

2 Vafumeli 4:24

Sekoko a to lulamisela mbongola a txi khene ka dijaha dakwe: Tsimbila u kuluveta, u nga swele hanzila, hahanze ka kuva ni txi kuemisa.

1 Samuwele 21:8

Se Dhavhidha a to khene ka Ayimeleki: Ina kha ku na mseve mwendo ditxhari dokari hawa kani? Nguko kha na teka mseve hambi matxhari angu, nguko mhaka ya mfumeli i ti ya txikuluveta.

Genesisi 24:56

Awule wa txithumi a to khene: “Mi nga laveni ku ni sweta, nguko Mkoma a katekisile dipfhumba dangu; ni lekeni ni txi tshumelela ka nyamne wangu.”

Genesisi 24:33

Se va to m'vekela sakudya, kambe ene a ti khene: “Kha ni na kudya, ni sinzi kuwomba ti ni telako tona, i ku mhaka ya dipfhumba dangu.” Konaho, Labhani a to khene: “Womba.”

Marku 6:7

Ene a to dhana vapostoli va digumi ni vambidi, a txi khata ku va ruma, ngu vambidivambidi, a txi va ninga mtamo wa kuxula mimoya ya nzambwa.