Luka 10:39 - Bhiblia Yo Sawuleka

³⁹ Ene a ti ni mwanawe, a nga ti dhanwa ku i Mariya, awu a nga khalahatsha hafuhi ni Jesu, atxi engisela mapswi akwe.

Luka 10:39 Referans Kwoze

Luka 8:35

Se vathu va to huma veya wona ti ti nga humelela. Ku ti ngako va txi hoka ka Jesu, va to mana m'thu wuwa madhimoni ma nga huma kwakwe, a di khalahatshile minengeni ka Jesu, a di ambate, a di ni kupima ka kunene, se ve thava ngutu.

Mavingu 8:34

A katekile m'thu wule a ni engisako, a zumbako e wonetela ha txikeni kwangu ditshiku ni ditshiku, e verela misasimoni ka sike sangu.

Johani 12:3

Sekoko Mariya a to teka mafura o bhumula, a nardhu, o mbi patelwa ni txilo, o dhula ngutu, e tota mikondo ya Jesu, se e mu bahulela mikondo ngu misisi yakwe. Nyumba yi txi tala ngu kubhumula ka mafura.

Mithumo 22:3

“Ani ni Mujudha. Ni velekelwa Tarso ka Kilikiya. Aniko ni kulete ka dona didhoropa diya, ni txi gondiswa ngu Gamaliyeli kuveketa ta tinene Mlayo wa vatate vathu, ni ti ni kukhutala ka hombe ngu timhaka ta Txizimu, nga tiya na nanu motshe mi mahako nyamsi.

Luka 2:46

Msana ka masiku mararu, va to ya mu mana amu Dithepeleni, a di khalahatshile hagari ka vagondisi, na a txi va engisela ni ku va mahela siwotiso.

Dhewuteronome 33:3

Ene wa randa vathu vakwe, votshe vasawuleki vakwe va manzani kwakwe; vona va khizama mikondoni kwako, va txi engisela mapswi ako.

Johani 11:1

A ti ti ho m'thu wokari wa kulwala, a nga ti dhanwa ku i Lazaro, wa Bhetaniya, mkhokholani ka Mariya ni Marta, mwanawe.

2 Vafumeli 4:38

Se Elixa a to tshumela eya Giligali, na ku di ni nzala kheyo; se vanana vavaprofeti va ti khalahatshile masoni kwakwe; a to khene ka dijaha dakwe: Releka khadi ya hombe ha txikho, u va bhikela matawa vanana vavaprofeti.

Luka 10:42

aniko njilo tximwetxo dwe txi lavekako. Mariya ngene a nga sawula txi i ku txa txinene ngutu, atxi a no mbi tekelwa ngu m'thu.”

Johani 11:19

Vajudha vavangi va tile ka Marta ni Mariya, kasi kuya va thavelela, ngu mhaka ya kufa ka ndiyawe.