Luka 10:37 - Bhiblia Yo Sawuleka

³⁷ Se ene a nje khene: “Ngu wule a nga mu pfela wusiwana.” Se Jesu a nje khene kwakwe: “Tsula, maha toneto nawe.”

Luka 10:37 Referans Kwoze

Mika 6:8

Ene a kuzivisile, awe m'thu, a ti i ku ta tinene; ni ti Mkoma a ti kombelako kwako, kuva u maha kululama, u randa tinene, u tsimbila ngu kutinamisa ni Txizimu txako.

1 Pedro 2:21

Ngu toneto, mi nga dhanelwa tona, nguko hambi Kristu nene, a tumete kuxaniswa ngu mhaka yanu, kasi ku mi siyela txikombiso, ti to mi na sikota kulondetela mkondo wakwe.

2 Vakorinto 8:9

Ma wu ziva wunene wa Mkoma wathu Jesu Kristu. Ene hambiko i ku nyamne wa sotshe, a ti mahile txisiwana, kasiku anu mi txi mana sotshe ngu mhaka ya wusiwana wakwe.

Matewu 23:23

“Mi na ni dikhombo, anu vabhali ni nanu Vafarisi, vaxengeteli, nguko ma dihela sa wugumi ka nyatximbowane ni ka dianetha ni ka dikumina, kambe kha mi khatali ngu ditshina da Mlayo, i ku kululama, wumbilu ni kuthembeka. Mi ti ni fanelo ya kumaha tiya, mi si leki ni tona tile.

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

Hoseya 6:6

Nguko ani ni lava wumbilu, kha ni lavi mphaxo; ni kuziva Txizimu kupinda miningelo yo hiswa.

Mavingu 14:21

Awule a txhipisako muakelani wa onha, aniko awule a xanisekelako sisiwana a katekile.

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

Matewu 20:28

Nga toneto, Mwanana wa M'thu nene, kha tela ku ta thumelwa, aniko a tete ku ta thumela, ni kuningela wutomi wakwe, kasi kutirula vavangi.”

Luka 10:36

Se ngu wuhi ka vale va vararu awu a nga va muakelani wa wule a nga ti wile manzani ka makhamba kani?”

Luka 10:38

Ngako a txi tsimbila, ene a to ya wulela ka m'ti wokari, se mmweyo wamsikati, ditina dakwe a nga ti dhanwa ku i Marta, a to mu amukela nyumbani kwakwe.