Luka 10:34 - Bhiblia Yo Sawuleka

³⁴ Se a di mu tshuketete, a to mu bhanditxha silonda sakwe, msana ko si thela mafura ni vhinya; se a di mu gadhisile ha mbongolani kwakwe, a mu heleketile ka nyumba ya vapfhumba, eya mu xayisa kona.

Luka 10:34 Referans Kwoze

Varoma 12:20

Aniko, ngako mlala wako a di ni nzala, mu he sakudya. A di ni ditora, mu ninge so sela, nguko u txi maha eto, wo hembenyetela makala a mndilo ha msungo kwakwe.

Masalmo 147:3

Ene wa tangalisa timbilu ta vale va nga khuveka a txi bhanditxha silonda sawe!

1 Vatesalonika 5:15

Ti woneleni kasiku ni wammweyo kwanu asi tshumeteli wubihi ngu wubihi; otshe masiku duketani kumahelana ta tinene, mi txi maha toneto ni ka votshe.

Luka 2:7

se e amukela Mwanana wa matiwula. A to mu phutela ngu tinguwo, e mu otelisa mkawuni, nguko wu ti si nga ho wukhalo wa kudingana vona ka nyumba ya vapfhumba.

Marku 14:8

Ene a mahile ati a nga ti kota; a songolete kutotela mafura mmidi wangu kasi ku wu longisela kuya tshotshwa.

Eksodha 4:24

Ku mahekile ti to hagari ka nzila, amu nyumbani ka vapfhumba, Mkoma a to hingeta Mosi, a txi lava ku m'daya.

Genesisi 42:27

Se mbimo yile mmweyo wawe a nga txhatxha disaka dakwe, kasi kuninga mbongola sakudya ka sile a nga xava, a to mana male yakwe, nguko yi di ha txisofuni ka disaka dakwe.

Luka 10:33

Se ngu msana keto, a to pinda ngu kona haleya Msamariya wokari, a nga txi enda ngu yona nzila yile, se a di mu woni, a to mu pfela wusiwana.

Luka 10:35

Se mangwanani ka kona, a humisile matxheleni mambidi, a txi ninga nyamne wa nyumba ya vapfhumba, a txi khene kwakwe: ‘Mu xayise, nata kudihela kambe sotshe, mbimo yi ni no wuya.’