Luka 10:31 - Bhiblia Yo Sawuleka

³¹ Sekoko, a to thuka e pinda ngu yona nzila yile mphaxeli wokari; aniko ngako a di mu woni, a to vayilela.

Luka 10:31 Referans Kwoze

Masalmo 69:20

Siruko si ni bhandisete mbilu, se ni lwala. Ni lavile wo ni pfela wusiwana, aniko kha na mmana; kha na mana ni wammweyo wo ni tangalisa.

Malakiya 1:10

I mani akuho kambe hagari kwanu, waku a nga seka matimba, kasi ku mi si dhiveli walo mndilo txiluveloni kwangu kani? Ani kha ni tsakiswi ngu nganu, kuwomba Mkoma wa Mabutho a Tiyimbi, kambe kha ni na mbi amukela mphaxo wa manzani kwanu.

Hoseya 6:9

Kufana ni mitxawa ya sigevenga si solelako m'thu, ngu toneto, mtxawa wa vaphaxeli va daya vathu va vayako Sikemi; ina, va maha to nyenyeza.

Hoseya 5:1

Engisani tiya anu vaphaxeli, engisani anu va nyumba ya ka Israyeli, engisani anu va nyumba ya mfumeli, nguko kulamula kuwa kulumba anu, wonani taku mi mahile mlawu ka Misipa, ni likoka lo gwimbwa txitimwi ka Tabhori.

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Ekleziyaste 9:11

Se ni to tshumela ni wona hahatshi ka ditambo tito, kututuma hi nga ka wa livilo, hambi kuxula hi nga ka tindena, ni ka kudotho sakudya kha si lumbi va vo txhariha, ni thomba kha yi lumbi va vavanene, ni kudhundeka hi nga ka va mapimo, kambe mbimo ni kukateka si lumba votshe.

Mavingu 21:13

Awule a tsivako nzeve yakwe ka huwa ya txisiwana, nene a na dila kambe kha na mbi engiswa.

Masalmo 142:4

Ni to tuve txinene kwangu, se ni wona; aniko kha na mana m'thu wo ni ziva; ni pwata ko thavela kona; kha ka maneka ni wammweyo wo khatalela moya wangu!”

Rute 2:3

A to tsula koko, eya roletela sitxatxa thembweni, ngu msana ka vaeluli; se a to kateka, e mana didhawa da thembwe ya Bhowazi, i nga ti ti wa liveleko la Elimeleki.

2 Samuwele 1:6

Sekoko mfana wule a nga ti ti mtisela mahungu a to khene: Ni to thuka ni ya humelela mmangoni ka Gilibhowa, se ni wona Sawule a di khigete aha ka mseve wakwe, se sikotxikani ni vathangeli va yimbi va nga ti gadhile mahantxhi va ti hafuhi kwakwe.

Isaya 58:7

Ina kambe khu abani sakudya sako ni wule a ku ni nzala, ni kuamukela m'tini kwako sisiwana sile si nga tovelwa kani? Ni ti to u txi mu wona i di tximbwiri u mfengeta, kambe khu sisaleli wule i ku wa ka kwanu kani?

Luka 10:30

Se Jesu a txi khene: “M'thu wokari a ti relela ngu Jerusalema a txi ya Jeriko, se a to wa manzani ka makhamba, ayawa ma nga mu honyolela sotshe si a nga ti naso, se kugwita ka ku mu peketela, ma to khukha ma txi mu leka a di tsivate.

Luka 10:32

A hokile kambe hafuhi ka wona wukhalo wule mmwani, i nga ti Mulevhi, aniko a di mu woni, a to vayilela nene.