Luka 10:25 - Bhiblia Yo Sawuleka

²⁵ M'gondisi wokari wa Mlayo, a to khukha a txi mu duka ngu mapswi awa: “M'gondisi, nji txani ni fanelako ku txi maha, kasiku ni mana wutomi wo mbi guma kani?”

Luka 10:25 Referans Kwoze

Luka 18:18

Mfumeli wokari a to mu wotisa a txi khene: “M'gondisi wamnene, nji txani ni fanelako ku txi maha, kasi kumana thomba ya wutomi wo mbi guma kani?”

Vagalatiya 3:18

Nguko, ngako thomba yi txi ningwa ngu mhaka ya kuveketa Mlayo, kha yi ngadi yi ningwa ngu mhaka ya txithembiso; kasi Txizimu txi ningile Abrahamu thomba ngu txithembiso dwe.

Luka 7:30

Kambe Vafarisi ni vagondisi va mlayo va nyenyile makungo awa Txizimu txi nga ti nawo kwawe, nguko va nga lamba kubhabhatiswa ngu ngene.

Marku 10:17

Mbimo yi Jesu a nga huma a txi goxometa nzilani kwakwe, m'thu wokari a to tutuma a ta mu khizamela, a txi mu wotisa a txi khene: “M'gondisi wamnene, nji txani ni fanelako ku txi maha, kasiku ni mana thomba ya wutomi wo mbi guma kani?”

Marku 12:28

Mmwani wa vabhali, awu a nga va pfa va txi kanetisana, ku ti ngako a txi wona ti to a va xamute ta tinene, a to mtshuketela e ta mu wotisa, a txi khene: “Ngu wuhi mlayo wo khata ka yotshelele kani?”

Luka 10:24

Vaprofeti votala ni vafumeli votala va randile kuwona ti mi ti wonako, kambe kha va ti wona, ni kuengisa ti mi ti engisako, aniko kha va tiengisa.”

Luka 10:26

Jesu a xamute a txi khene: “Ti bhatwe to txani amu ka Mlayo? Kasi awe u gondisa kutxani kani?”

Johani 8:6

Va wombile tiya, ngu ku mu riyela, kasiku ve sikota kumana mhaka ya ku mu mangalela ngu yona. Aniko Jesu a to nama, a txi bhala ha mafuni ngu litiho.

Marku 10:3

Ene a to angula a txi khene “Mosi a mi layisile kutxani?”