Luka 10:21 - Bhiblia Yo Sawuleka

²¹ Ka yoneyo mbimo, Jesu a to tala ngu kutsaka, ngu Moya wo Sawuleka, a txi khene: “Na ku bonga, Tata, Mkoma wa nzuma ni mafu, nguko u sisete titxhari ni va va pimako timhaka tiya, u txi ti wonekisa ka va vavadotho. Ina, Tata, nguko u ti lavisile toneto.

Luka 10:21 Referans Kwoze

2 Vakorinto 4:3

Aniko, ngako Evhangeli yathu yi di sisilwe, yi sisetwe vale va lovako.

Vaefesu 1:11

Ngu ngene Kristu kambe, Txizimu nathu txi hi mahile vadyi va thomba ya Txona, nga ti txi nga ti wonisa tona txona txi kotako totshe ngu mtamo wa kuranda ka txona,

Vaefesu 1:5

Ngu txona Txizimu txi nga hi sikela ngu kale ti to hi na maha vanana va txona, va mafuyiwa, ngu Jesu Kristu, ngu wunene wa kuranda ka txona,

Marku 10:15

Kha ditshuri na mi gela ku khani: Awule asi amukeliko Mfumo wa Txizimu nga mwanana, txima kha na mbi wulela ka wona.”

Matewu 21:16

va txi mu gela ku kha vona: “Ina wa tipfa ti va wombako kani?” Jesu a to xamula a txi khene: “Ina! Kasi kha mi nzi kugonda ti taku: ‘Ka mapswi a txisofu txa vanana vavadotho ni txa tikekere u ti lulamisete wudhumo, kani?’ ”

Matewu 16:17

Jesu a to mu xamula a txi khene: “U katekile, Simoni, mwana Jona, nguko hi nga m'thu wa ha mafuni a nga kukombekisa eto, aniko i Tate wangu a ku nzumani.

Masalmo 8:2

Ngu wudhumo wu wu humako sisofuni ka vanana ni ka vadotho. U mahile mkhokhola wa ku ti vhikela ka valala vako, kasiku u txi malata valala ni vaphoteli.

Luka 15:9

Se ngako a txi di mana, wa ramba vangana ni vaakelani va vasikati kulowe, a txi va gela ku khene: ‘Tsakani kumweko ni nani, nguko ni mani ditxheleni di di nga ti mwalate!’

Luka 15:5

Se ngako a di yi mani, ngu litsako wa yi pakata,

Zefaniya 3:17

Mkoma, Txizimu txako, aho hagari kwako, ana ni mtamo ngutu kasi ku kuhanyisa; ene a na tala ngu ku kutsakela; a na malala ngu lirando lakwe, a na kutsakela ngu kuembelela.

Isaya 66:1

Mkoma a womba tiya: Nzuma njikhalo txangu txa wukoma, se mafu njikhigelo txa mikondo yangu. I nyumba muni mi no ni akela anu kani? Niku wukhalo wa kuhumula kwangu i ngava wuhi kani?

Isaya 53:11

A na wona mthumo wa muhefemulo wakwe, e tsaka; ngu wuzivi wakwe, txithumi txangu, mlulami, txi na emela votala, nguko wubihi wawe a na wu rwala.

Isaya 29:14

Wona taku, ni na simama ni maha mthumo wo xamalisa hagari ka vathu vava; i ku mthumo wo xamalisa, kambe wo thisa, nguko wutxhari wa titxhari tawe, wu na fuva, ni mapimo a vathu vawe vo ziva, wu na sisala.

Johani 11:41

Ngu msana va to thavisa dirigwi da diyiva, se Jesu e gula maso akwe, e wona nzumani, a txi khene: “Tata, na ku bonga, nguko u ni engisile.

Isaya 62:5

Nguko nga kule dijaha di tekanako ni muhorana, ngu toneto ni vona vanana vako, va na tekana ni nawe; kufana ni muwuti a tsakako ni txiwutwa, ngu toneto Txizimu txako txi na tsaka ni nawe.

Isaya 35:8

Se, ahale ku nava ni nzila ya lisima, nzila yi yi no dhanwa ti to i Nzila yo Sawuleka; m'bihi kha na mbi tsimbila ngu yona, aniko yi na lumba vathu va Txizimu; ava va no tsimbila ngu yona, hambi siphukuphuku kha si na mbi timela.

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

Masalmo 24:1

Mafu ma lumba Mkoma, ni sotshe si si ku ka ona; ditiko ni votshe va va hanyako ka dona.

Matewu 3:7

Mbimo yi a nga wona Vafarisi ni Vasadhusi va txi lava ku ta bhabhatiswa ngu ngene, a txi khene kwawe: “Lixaka la timamba i mani a nga mi laya, ti to mi thava txiviti txi txi tako kani?