Luka 10:20 - Bhiblia Yo Sawuleka

²⁰ Kambe, mi nga tsakeni ngu kuva mimoya yi mi thava, aniko tsakani nguko matina anu ma bhatwe nzumani.”

Luka 10:20 Referans Kwoze

Mtuletelo 20:15

Se avale va nga ti sa bhalwa dibhukuni ka wutomi va to vinzwa ni vona txizivani ka mndilo.

Mtuletelo 20:12

Se ni to wona vafi vahombe ni vavadhoto, va di emile masoni ka txikhalo txa wukoma, se me tulwa mabhuku. Ku tutwe kambe dimwani dibhuku, dibhuku da wutomi. Vafi va to lamulwa madingano ni mithumo yawe, nga ti ti nga ti bhalisilwe tona mabhukuni.

Mtuletelo 21:27

Ka dona kha ku na mbi thuka ku txi wulela ni txihi txilo txa nzambwa, hambi va va mahako to nyenyeza ni vamakuhu. Va na wulela dwe avale va nga bhalwa dibhukuni ka wutomi wa Txinvutana.

Vahebheru 12:23

Anu mi tshuketete ka Dibanza da vanana va matiwula, ava matina awe ma nga bhalwa nzumani, ni ka Txizimu Mlamuli wa votshe, ni ka mimoya ya valulami va va nga hoka kuhetisekani;

Mtuletelo 3:5

Awu a xulako a na ambala siamlalo so basa, se ani kha ni na mbi thuka ni pfhuta ditina dakwe dibhukuni ka wutomi. Ni na nuwela ditina dakwe masoni ka Tate wangu ni ka tingelozi takwe.

Dhaniyeli 12:1

Se ka mbimo yoneyo, ku na humelela Migeli, mthangeli wa hombe, a wuselwako vanana va ditiko dako, kambe ku nava ni mbimo ya kuxaniseka, ko mbi khala kuhumelela, kukhukhela ku nga va ni mfumo kala ka mbimo yile; aniko ka yoneyo mbimo, vathu vako va na hulukiswa, votshe vale va no maneka va di bhatwe amu ka dibhuku.

Ezekhiyele 13:9

Se dianza dangu di na lwisa vaprofeti vale va wonako ta manyala ni kuhuta makuhu; kha va na mbi maneka ka msengeletano wa vathu vangu, kambe kha va na mbi bhalwa ka nyumba ya ka Israyeli, hambi kuwulela ditikomi ka Israyeli; se mi na tiziva taku ani ngani Mkoma Txizimu.

Eksodha 32:32

Konkuwa koko, divalela txionho txawe, kha ditshuri, na kombela ti to u pfhita ditina dangu, amu ka dibhuku di u nga bhala.”

Vafilipiya 4:3

Na ku kombela nawe Siziku, mngana wangu wo thembeka ti to u txi va vhuna vamame va va nga lwa kumweko ni nani ka mhaka ya Evhangeli, va di ni Klemente ni vamwani vathumi kulothu, ava matina awe ma nga bhalwa dibhukuni ka wutomi.

Mtuletelo 13:8

Votshe vaaki va ha mafuni va na txi khozela, avava matina awe ma nga mbi bhalwa, kukhukhela makhatoni ka ditiko, amu ka dibhuku da wutomi da Txinvutana, atxi txi nga bhaywa.

Isaya 4:3

Se wule a no sala Siyoni ni wule a no zumba Jerusalema, va na dhanwa ku “vasawuleki”: Votshe vale va nova va di bhatwe hagari ka vahanyi va Jerusalema.

Masalmo 69:28

Va pfhute mu ka dibhuku dako da wutomi! U nga va veke mu ka mtengo wa vo lulama!

Matewu 10:1

Ngako a di dhani vagondiswa va digumi ni vambidi, Jesu a to va ninga mtamo wa kutovela mimoya ya nzambwa ni kuhanyisa vathu ka yotshe mitungu ni otshe malwati.

Matewu 26:24

Mwanana wa M'thu a na tsula nga ti ti nga bhaliswa tona, aniko dikhombo da wule ene Mwanana wa M'thu a no ningelwa ngu ngene! Ti ndi nava i di txhuko, ngako mthuyo a ti sa velekwa!”

Matewu 27:5

Se a di vinzile male hahatshi, mu Dithepeleni, ene a to huma e tsula eya ti tshongisa.

Jeremiya 17:13

Awe Mkoma u kuthemba ka Israyeli; votshe va va ku lekako va na wa tingana. Votshe va va khukhako kwangu va na bhalwa txivhunyeni; nguko va lekile Mkoma wu i ku Txizimu txa mati a wutomi.

Mtuletelo 17:8

Txikalani txi u nga txi wona, txi ti ti ho, aniko kha txi swi txi diho; txi hafuhi ni kuhuma ngu diphalani ko hokoma, kambe txi ya kulovani: Vaaki va ha mafuni, avava matina awe ma nga mbi bhalwa dibhukuni ka wutomi, kukhukhela ditiko di tumbuluka, va na xamala mbimo yi va no wona txikalani, nguko txona txi ti ti ho, konaku kha txiswi txi diho, aniko txi na tshumela txi humelela.