Luka 10:16 - Bhiblia Yo Sawuleka

¹⁶ Awu a mi engisako a engisa ani; awu a mi nyenyako, a nyenya ani; se awu a nyenyako ani, a nyenya wu a nga ni ruma.”

Luka 10:16 Referans Kwoze

Johani 13:20

Ngu ditshuri, ngu ditshuri, na mi gela ku khani: Awule a amukelako wuhi ni wuhi ni no mruma, a amukela ani nipune; awule a ni amukelako, a amukela awu a nga ni ruma.”

Matewu 10:40

“Awule a mi amukelako, a amukela ani, se awule a ni amukelako, a amukela awule a nga ni ruma.

1 Vatesalonika 4:8

Ngu toneto, awu a nyenyako gondo yiya, kha nyenyi m'thu, aniko a nyenya Txizimu, txona txi ka ditshuri, txi mi ningako Moya wa txona wo Sawuleka.

Johani 12:48

Awu a ni lambako ni ku ambi amukela mapswi angu, a nayo muabanisi wakwe: Dipswi di ni ngadi womba, ngu dona di no mu abanisa ngu ditshiku da magwito.

Johani 12:44

Se Jesu a to kwangula a txi khene: “Awu a kholwako kwangu, kha kholwi kwangu, aniko a kholwa ka wule a nga ni ruma;

Marku 9:37

“Awu a no amukela tximwananana txo nga tiya ngu ditina dangu, ngani a ni amukelako. Se awu a ni amukelako kha amukeli ani, aniko a amukela awule a nga ni ruma.”

Matewu 18:5

Sekoko, awu a no amukela ngu ditina dangu, mwanana wammweyo wa ku nga wuwa, ngani a ni amukelako.”

Malakiya 1:6

Mwanana wa mfana a na thava tate wakwe, ni txithumi txi na thava nyamne wa txona; se, ngako ani ni di tate, txi hayi txithavo kwangu kani? Ngako ani ni di Mkoma, ku hani kuthavwa kwangu kani? Kuwomba Mkoma wa Mabutho a Tiyimbi kwanu, anu vaphaxeli, mi txhipisako ditina dangu, mi txi khanu: Hi di txhipisisa kutxani ditina dako kani?

Mithumo 5:4

Thembwe yi sinzi kuxaviswa ina i ti si nga yako kani? Mhaka yiya yi wulelisile kutxani mbiluni kwako kani? Khwa hembela vathu, aniko u hembete Txizimu.”

Luka 9:48

“Wuhi ni wuhi a amukelako tximwananana txiya ngu ditina dangu, wa ni amukela; se awu a ni amukelako, a amukela wu a nga ni ruma. Nguko awu i ku wam'dotho hagari kwanu motshenu, ngene i ku wa hombe.”

Mitengo 16:11

Nguko awe ni wotshe msengeletano wako, mi tshanganile mi txi lwa ni Mkoma; se Aroni, i mani koza mi txi mngungurukela kani?

Mitengo 14:11

Mkoma a ti khene ka Mosi: “Vathu vava, va na ni nyenya kala yihi mbimo kani? Kala yihi mbimo va si ni thembi kani? Hambi ku va nga wona sixamaliso si ni nga va mahela kambe ni kambe kani?

Eksodha 16:7

Mangwana ni mixo mi na wona wudhumo wa Mkoma, nguko ene a engisile ku m'ngungurukela kwanu. Nguko athu hi vamani aha koza mi txi hi ngungurukela kani?

Mitengo 14:2

Votshe vanana va ka Israyeli va to ngungurukela ve wukela Mosi ni Aroni, va txi kha vona: “I ti txhuko kuva hi di fete ditikoni ka Egipta! Mwendo hi di fete txiwulani muwa!

Eksodha 16:8

Mosi a to womba kambe a txi khene: “Minova yiya Mkoma a na mi ninga nyama midya, se ni mixo, a na mi ninga sakudya si mi no khura ngu sona, nguko a engisile kungungurukela kwanu ngu mhaka yakwe. Nguko athu, hi vamani kani? Kungungurukela kwanu hi ngako wukela athu, aniko ngo wukela Mkoma.”

Vagalatiya 4:14

Kambe anu kha ma komba ku ni nyenya mwendo ku ni vengela, hambiko malwati angu i nga ti txiduko kwanu; aniko mi ni amukete kota mtumi wa Txizimu, kota nga Jesu Kristu apune.