Luka 10:15 - Bhiblia Yo Sawuleka

¹⁵ Awe Kapernawume, u na guletwa nzumani kani? Lambi! U na reletwa hahatshi Diphalani ka vafi.

Luka 10:15 Referans Kwoze

Matewu 4:13

Se ngu msana, a txi khukha Nazareta, a to ya zumba Kapernawume, didhoropa di di ku hafuhi ni linene, ka ditiko da Zebhuloni ni Naftali,

2 Pedro 2:4

Ngu toneto, ngako Txizimu txi nga mbi divalela tingelozi ti ti nga onha, aniko txi ti rinzile maphalani ka txidema txa Gehena, ahawa ti woneletwako kala ditshiku da kulamulwa,

Luka 13:28

Konaho ku nava ni kudila ni kugegeresela ka makwasa, mbimo yi mi nota wona Abrahamu, Isaake, Jakobe, ni votshe vaprofeti va di Mfumoni ka Txizimu, na anu mi txi rethetelwa mi yiswa hahanze.

Matewu 11:23

Se awe Kapernawume, u na guletwa u txi hokiswa nzumani kani? Lambi! U na txhikiswa diphalani ka vafi. Nguko sidiwukiso si si nga mahwa kwako, idiku si ti ko mahwa Sodhoma, didhoropa donedo ngadi ti ngadi ho kala nyamsi.

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Obhadhiya 1:4

Ngako u txi ti guleta kufana ni digama, u veka txisaka txako hagari ka tinyeleti, ngu koneho ni na kuwisa, kuwomba Mkoma.

Ezekhiyele 32:27

Se kha va na mbi manwa ni tindena tile ta makhutu ti nga wiswa, atile ti nga relela diyivani ni matxhari a tona a yimbi, se matxhari awe ma vekilwe hahatshi ka misungo yawe, ni wubihi wawe wu txitimwi ka marambu awe, nguko i ti ti wudhukiseli wa tindena, mafuni ka vo hanya.

Ezekhiyele 32:20

Va na wa hagari ka vale va nga dawa ngu ditxhari; a ningetwe ka ditxhari; mndindeni ene ni dotshe dibutho dakwe.

Ezekhiyele 32:18

Awe mwanana wa m'thu, peka huwa ngu dibutho da Egipta, u txi di releta, dona ni vanana vamahorana va matiko a mtamo, va txi ya hahatshi ngutu ka mafu, ni vale va relelako diphalani.

Ezekhiyele 31:18

U nga fana ni mani ngu wudhumo ni wuhombe hagari ka mindonga ya Edheni kani? Hambi keto, u na relelela ni mindonga ya Edheni hahatshi ngutu ka mafu; hagari ka makhutu u na otela ni vale va nga dayelwa ngu ditxhari; awuwa i Faro, ni dotshe dibutho dakwe, kuwomba Mkoma Txizimu.

Ezekhiyele 26:20

sekoko ni na kureleta ni vale va relelako diphalani, ka vathu va kale, ni txi ya kuotelisa ka makhalo a hahatshi ngutu mafuni, ka makhalo a siwula sa kale, ni vale va relelako diphalani, kasi ku ku si maneki vo zumba kwako; kambe ni na veka wudhundo ka mafu a vale vo hanya.

Jeremiya 51:53

Hambi i di kova ku Bhabhilona a nga kwela nzumani, mwendo kutsanisa kuguleka ka diguma dakwe, ni ndi na m'rumela vaxaseli, kuwomba Mkoma.

Isaya 5:14

Ngu toneto, dithitha di engetete kunavela ka dona, di asamile txisofu txa dona kupinda mpimo, wudhumo wawe ni vathu vawe, ni kubomba kwawe, ni votshe vale va tsakako va na ngirimela ka dona.

Dhewuteronome 1:28

Hi na kwela hi txiya hani kani? Vanathu va hi wite misana, ngu ku kha vona: Vathu va kona mbavangi ngutu kupinda athu, kambe mba nyasihakate, madhoropa a kona nga hombe, ma ku ni maguma o guleka kala nzumani. Kambe koneyo hi woni ni vanana va Anaki.

Genesisi 11:4

Va to kha vona: “A hi ti akeleni didhoropa ni txitezi, atxiya txiroro txa kona txi no hoka nzumani, se ditina dathu di na va ni nduma, kasi ku hi si hangalaswi ka otshe mafu.”

Luka 16:23

“Se ngako a di wuzumbeloni ka vafi, hagari ka sixaniso, a to gula maso a txi wona Abrahamu a di kule, ni Lazaro a di mu singarete hakhana kwakwe.