Luka 1:8 - Bhiblia Yo Sawuleka

⁸ Sekoko Zakariya, ngako a di ha mthumoni kwakwe ka wuphaxeli masoni ka Txizimu, madingano ni kuruma ka mlayo wa mtxawa wakwe,

Luka 1:8 Referans Kwoze

2 Makronika 8:14

Ngu kulondeta sileleto sa tate wakwe Dhavhidha, a to lulamisa mitxawa ya vaphaxeli ka mithumo ya vona ni mitxawa ya Valevhi ka mithumo ya yona kasi kuva txi dhumisa Txizimu ni kuthuma masoni ka vaphaxeli ditshiku ni ditshiku madingano ni ti ti nga longisiswa tona, e lulamisa ni mitxawa ya va woneleti va matimba, e txi va veka ka ditimba dimwani ni dimwani ngu kulondeta mlayo wa Dhavhidha, m'thu wa Txizimu.

1 Makronika 24:19

Mthumo wa vava ka wuthangeli wawe, i ti ti wa kuwulela Nyumbani ka Mkoma, madingano ni ti va nga leletiswa tona ngu Aroni, tate wawe, nga ti Mkoma, Txizimu txa Israyeli, a nga ti va leletisile tona.

2 Makronika 31:2

Mfumeli Ezekhiya a to veka mitxawa ya vaphaxeli ni ya va ka Levhi madingano ni mithumo yawe, mmweyo ni mmwani ka mthumo wakwe; ahawa vaphaxeli ni Valevhi va nga ti fanela kuningela mningelo wa kuhiswa ni miningelo ya kudikha, va txi bonga ni kudhumisa Mkoma ngu tindando ha sikenini sa wugoveloni kwakwe.

Luka 1:5

Ka masiku a Herodha, mfumeli wa Judheya, ku ti ni mphaxeli, awu a nga ti dhanwa ku i Zakariya, wa mtxawa wa Abhiya. Msikati wakwe i ti wa lixaka la ka Aroni, ditina dakwe a ti dhanwa ku i Izabheli.

Ezra 6:18

Va to veka vaphaxeli ngu mbimo yawe, ni va ka Levhi ngu mitxawa yawe, kasi kuthumela Txizimu, txi txi manekako Jerusalema, nga tile ti nga bhawla ka dibhuku da Mosi.

2 Makronika 31:19

Hambi ka vanana va Aroni, vaphaxeli ava va nga aka ka tithembwe ta hahanze ka madhoropa awe, va ti ti ni vathu ava va nga dhanwa ngu matina awe, kasi kuve phakela votshe vavamna va vaphaxeli ni Valevhi votshe avale va nga balwa.

2 Makronika 11:14

Nguko Valevhi va lekile makhalo awe o dyisela ka ona ni tithembwe tawe, veya ditikoni ka Judha ni Jerusalema, (nguko Jerobhowamu ni vanana vakwe va ti va vhalela kumaha mthumo wa Mkoma).

Mitengo 18:7

Awe ni vanana vako, mi na teka mthumo wa wuphaxeli ka totshe ti ti lumbako mthumo wa stxiluvelo, ni sotshe si si ku ngu msana ka m'jiyo; se anu mi na teka mthumo wa mphaxeli, se mluveli ngako a txi tshuketa hafuni a na fa.

Eksodha 30:30

Ngu ona u na tota Aroni ni vanana vakwe, u txi va sawulekisa kasiku va txi thuma wuphaxeli, va txi ni dhumisa.

Eksodha 29:44

Ina, ni na va ni txi sawulekisa ditenda da masengeletano kumweko ni txiluvelo; ni na sawulekisa kambe Aroni ni vanana vakwe, kasiku va txi thuma mthumo wangu.

Eksodha 29:9

U na sunga Aroni ngu libhande ni vanana vakwe, avale u no va ambalisa sigoko. Wuphaxeli wu na va lumba kala kupinduka. U na va u txi emisela Aroni ka wuphaxeli ni vanana vakwe.

Eksodha 29:1

Ngu tiya u no maha kwawe kasi ku va katekisa ve maha vaphaxeli: U na langa dirole ni tihambana timbidi to mbi na wulima;

Eksodha 28:41

Ngu mhaka yeto u na ambalisa Aroni, mwananu, kumweko ni vanana vakwe. Ngu msana u na va tota ngu mafura, kambe u na va ninga fanelo ni ku va sawulekisa, kasiku ve thuma mthumo wangu wa wusawuleki.

Eksodha 28:1

U na dhana mwananu Aroni ni vanana vakwe, va ku hagari ka vanana va ka Israyeli, va txi ta hafuhi kwako, ve ta ni thumela amu ka wuphaxeli, i ku vava: Aroni ni vanana vakwe, Nadhabhi, Abhiyu, Eleyazari, ni Itamari.

1 Makronika 24:2

Se Nadhabhi ni Abhiyu va fite na tate wawe a sanzi kufa, kambe va si nga ni vanana; se Eleyazari ni Itamari, va ti maha mthumo wa wuphaxeli.

Luka 1:7

Va ti si nga ni vanana, nguko Izabheli i ti txifule, kambe ngu wumbidi wawe va ti kumbile.