Luka 1:76 - Bhiblia Yo Sawuleka

⁷⁶ Se awe, mwananawe, u na dhanwa ku u mprofeti wa Nyatxitimwi; nguko u na thangela masoni ka Mkoma, kasi kululamisela tinzila takwe.

Luka 1:76 Referans Kwoze

Malakiya 3:1

Wonani taku, ni mi rumela ngelozi yangu, ayi yi no ni lulamisela nzila, se msana keto, Mkoma wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba Mkoma wa Mabutho a Tiyimbi.

Johani 1:23

Ene a xamute a txi khene: “Ani ni dipswi da wule a kwangulako txiwulani, a txi khene: ‘Lulamisani nzila ya Mkoma’, nga tiya a nga wombisa tona mprofeti Isaya.”

Matewu 14:5

Se a ti lava nzila ya ku m'daya, aniko e thava vathu, nguko vona va ti ti kha vona i mprofeti.

Matewu 3:3

Johani ngene wu a nga wombwa ngu mprofeti Isaya, a txi khene: “Dipswi da wu a huwelelako txiwulani di kha dona: Longiselani nzila ya Mkoma lulamiselani magondo akwe.”

Mithumo 16:17

Se a to londeta Paulo ni nathu, na a txi kwangula, a txi khene: “Vathu vava mbathumeli va Txizimu Nyatxitimwi; vona va mi zivisa nzila ya kuhanyisa.”

Luka 1:35

Se ngelozi yi to mu angula tiya: “Moya wo Sawuleka wu na txhika txitimwi kwako, se mtamo wa Nyatxitimwi wu na kufenengeta ngu mtsudi wakwe. Ngu toneto, Msawuleki wu a no velekwa a na dhanwa ku Mwanana wa Txizimu.

Luka 1:32

Ene a na va i di wa hombe, kambe a na dhanwa ku i ‘Mwanana wa Nyatxitimwi.’ Mkoma Txizimu a na mninga txikhalo txa tate wakwe Dhavhidha;

Marku 11:32

Aniko, ngako hi txi khathu: ‘Wu ta ngu ka vathu!’ ” Va ti thava vathu, nguko votshe va ti kha vona, ngu ditshuri, Johani mprofeti.

Johani 3:28

Anu mipune mi tifakazi ta ti ni nga womba ni txi khani: ‘Hi nga ani Mesiya, ni to rumelwa kuthangela masoni kwakwe.’

Johani 1:27

Ene ngene a nota msana kwangu, awu hambi ani ni si sikotiko kuthukunyula tingoti ta tikathula takwe.”

Luka 6:35

Kasi i di anu, randani valala vanu, mahani wunene, mi txi lombisa simaha sanu ka vamwani, hambi mi si rinzeli kutshumetelwa ngu vona. Kudihelwa kwanu ku nava ka hombe, mi na va mi di vanana va Nyatxitimwi, nguko Ene wa maha wunene ka vale va si ziviko kubonga ni ka vale va tshofu.

Matewu 21:26

Se hi txi angula ti to khathu: ‘Wu ta ngu ka vathu’ hi thava kuwukelwa ngu dibutho, nguko votshe va kholwa ti to Johani i mprofeti.”

Matewu 3:11

Ani ni bhabhatisa ngu mati kasiku mi sikota kutilaya, kambe awule a tako msana kwangu, ana ni mtamo kupinda ani, se ani kha ni nga ni fanelo yo ñola hambi tikathula takwe. Ene a na mi bhabhatisa ngu Moya wo Sawuleka ni mndilo.

Malakiya 4:5

Wonani taku ani ni na mi rumela Mprofeti Elija, na ku si se hoka ditshiku da hombe do thisa da Mkoma.

Masalmo 87:5

Vathu, va txi womba-womba ngu Jerusalema, va na kha vona: “Votshe vathu va veleketwe koneyo; kambe ngene Nyatxitimwi a tsanisako toneto.”