Luka 1:7 - Bhiblia Yo Sawuleka

⁷ Va ti si nga ni vanana, nguko Izabheli i ti txifule, kambe ngu wumbidi wawe va ti kumbile.

Luka 1:7 Referans Kwoze

Vahebheru 11:11

Ngu likholo, Sara nene, hambiko a nga ti kumbile ngutu, a mani txirumbu nguko a tumete ti to awule a nga mmahela txithembiso, a tsanisile.

1 Samuwele 1:2

Se Elikana a ti ni vasikati vambidi: Ditina da mmweyo i ti ti Ana, ditina da mmwani i ti ti Penina; Penina a ti ni vanana, aniko Ana asi ngani vanana.

Genesisi 18:11

Ka yoneyo mbimo, Abrahamu ni Sara va ti kumbile ngutu, Sara a ti pindetwe ngu mbimo ya kuveleka vanana.

Genesisi 25:21

Isaake a to khongela ka Mkoma, a txi kombelela mkatakwe Rebheka, nguko i ti txifule. Mkoma a engisile mkombelo wa Isaake, se Rebheka a to mana txirumbu.

2 Vafumeli 4:14

Sekoko Elixa a to wotisa ku khene: Ngu tihi hi no mmahela kani? Se Gehazi a to khene: Awu wamsikati kha nga ni mwanana, kambe mwamna wakwe a kumbile.

Genesisi 17:17

Sekoko Abrahamu a to ti wisa hahatshi ngu mbanza na a txi seka, nguko a txi ti wotisa mbiluni kwakwe, a txi khene: “Ina wamwamna wu a ku ni 100 wa malembe a nga ngadi e veleka mwanana kani? Ni Sara wu a ku ni mtxhanu ni mune wa magumi a malembe, a nga ngadi e veleka mwanana kambe kani?”

Varoma 4:19

Ene kha nga telwa ngu dikhodho likholoni kwakwe ngu kuwona mmidi ngako se a nga ti ni 100 da malembe, hambiko a nga wona mkatakwe Sara ti to a pindetwe ngu mbimo.

1 Vafumeli 1:1

Mbimo yile mfumeli Dhavhidha a nga ti kumbile, a di gumetwe ngu masiku, a txi fenengetwa ngu tinguwo, aniko asi futumeli.

Genesisi 30:1

Ngako Rakeli a di woni ti to kha velekela vanana Jakobe, a to khata kulusa ka Leya, se e womba ka Jakobe, a txi khene: “Nihe vanana, hahanze keto, ndinene ku ni txi fa.”

Luka 1:5

Ka masiku a Herodha, mfumeli wa Judheya, ku ti ni mphaxeli, awu a nga ti dhanwa ku i Zakariya, wa mtxawa wa Abhiya. Msikati wakwe i ti wa lixaka la ka Aroni, ditina dakwe a ti dhanwa ku i Izabheli.

Luka 1:6

I ti vathu vo lulama ngu wumbidi wawe masoni ka Txizimu, va txi veketa va si solwi ngu m'thu, sotshe sirumo ni milayo ya Mkoma.

Luka 1:8

Sekoko Zakariya, ngako a di ha mthumoni kwakwe ka wuphaxeli masoni ka Txizimu, madingano ni kuruma ka mlayo wa mtxawa wakwe,