Luka 1:65 - Bhiblia Yo Sawuleka

⁶⁵ Votshe vaakelani vakwe va to telwa ngu kuthava, se timhaka tiya ti txi hangalaka ni dotshe ditiko da mmango wa Judheya.

Luka 1:65 Referans Kwoze

Luka 1:39

Ka ale masiku, Mariya a to teka dipfhumba a txi tsula ngu kukuluveta, a txi ya ka ditiko da situnga, didhoropani ka Judha.

Mithumo 5:11

Se dibanza dotshe di to tala ngu kuthava ngutu, ni votshe vathu va va nga wona mhaka yiya.

Mithumo 5:5

Ngako Ananiya a di engisile mapswiyo, a to wa hahatshi efa. Se votshe va va nga tiengisa, va to tala ngu kuthava ngutu.

Mithumo 2:43

Votshe vathu va txi telwa ngu kuthava ngu kuwona sidiwukiso ni sixamaliso si si nga txi mahwa ngu Vapostoli.

Luka 7:16

Votshe va to telwa ngu kuthava ngutu, va txi dhumisa Txizimu, va txi kha vona: “Mprofeti wa hombe a humelete hagari kwathu, Txizimu txi endete vathu va txona.”

Mtuletelo 11:11

Kambe msana ka masiku ale a mararu ni hafu, moya wa wutomi, wa kuta ngu ka Txizimu, wu to wulela mndani ka sirumbi, se sona si khukha si ema. Se avale va nga txi si woneleta va to dhuka ni kuthava.

Mithumo 19:17

Votshe vathu va Efesu, Vajudha ni Vagriki, va yi zivile mhaka yiya. Votshe ve tala ngu kuthava. Se di kuliswa ditina da Jesu.

Joxuwa 10:40

Ngu toneto, Joxuwa a khozisile dotshe ditiko, mimango ni Negebhe, ni libala ni mikova yotshe, ni vafumeli va kona votshe; kha nga leka ni wammweyo wo sala, a to si lovisa sotshe si si nga ya maneka si txi hanya, nga ti Mkoma, Txizimu txa ka Israyeli, a nga va leletisa tona.

Joxuwa 10:6

Ti di ngeto, vathu va Gibheyoni va to rumela m'biko ka Joxuwa, wugoveloni ka Giligali, va txi kha vona: “U nga leke sithumi sako, kuluveta u txi ta kheno kwathu, kasi u ta hi hulukisa ni ku hi lwela, nguko votshe vafumeli va Vaamori, avale va nga aka mimangoni, va tshanganile kasi kutalwa ni nathu.”

Matewu 2:1

Ngako Jesu a di velekilwe Bhetlehema ka Judheya, ka mbimo ya mfumeli Herodha, konaho titxhari ta wutxani ti to bwaka Jerusalema,

Luka 5:26

Konaho va to xamala votshe, ve dhumisa Txizimu, ve tala ngu kuthava, va txi kha vona: “Nyamsi hi woni txixamaliso.”

Luka 2:18

Se ava va nga tiengisa, ve xamala ngutu ngu totshe tile va nga gelwa ngu vadyisi.