Luka 1:64 - Bhiblia Yo Sawuleka

⁶⁴ Kunukunuko txi to tuleka txisofu txakwe, li txi txhatxheka lidimi lakwe, a txi khata kuwombawomba, a txi dhumisa Txizimu.

Luka 1:64 Referans Kwoze

Luka 1:20

U na zumba u di txiduma, u si sikoti kuwombawomba kala ditshiku di ti no maheka ngu dona totshe tiya, nguko khwa tumela mapswi angu, aawa ma no tatiseka ngu mbimo yi yi lavekako.”

Jeremiya 1:9

Se Mkoma a to nawuluta dianza, e gwesa txisofu txangu, a txi khene kwangu Mkoma: “Wona taku na veka mapswi angu txisofuni kwako.

Ezekhiyele 33:22

Wona, dianza da Mkoma di ti ti txitimwi kwangu ni minova, asi se ta awule a nga ti hulukile; di to tula txisofu txangu, kala a txi ta hoka kwangu ni mixo; se txisofu txangu txi to tuleka, kha na malala kambe.

Masalmo 51:15

Mkoma, tula txisofu txangu; kasiku ni na sikota kuhuwelela wudhumo wako.

Matewu 9:33

Ngako didhimoni di di tovetwe, txiduma txi to womba-womba, se dibutho di to xamala, di txi kha dona: “Txima kha ti zivi ka nga wonwa to nga tiya ka Israyeli.”

Ezekhiyele 3:27

Aniko ngako ni txi womba-womba ni nawe, ni na tula txisofu txako, se u na va gela ku khawe: Mkoma a womba tiya: Awu a engisako a na engise, awu asi laviko kuengisa a na leke; nguko vona mba nyumba yo eyisa.

Isaya 12:1

Se ka ditshiku donedo, u na khawe: Na ku bonga, Mkoma, nguko hambi ku u nga ni henyela, kuhenya kwako ku gumile, se u ni tsakisile.

Ezekhiyele 29:21

Ka dona ditshiku dile, ni na milisa mtamo ka nyumba ya ka Israyeli, se ni na kumaha u tula txisofu hagari kwawe; kambe va na tiziva taku ani ngani Mkoma.

Eksodha 4:11

Se Mkoma a to mxamula a txi khene: “I mani a nga va nga txisofu txa m'thu kani? Mwendo i mani a nga maha txiduma mwendo diphanzeve, awule a wonako ni wule i ku dibhofu kani? Ina hi nga ani Mkoma kani?