Luka 1:49 - Bhiblia Yo Sawuleka

⁴⁹ Nguko Nyamitamo a mahile kwangu timhaka ta hombe; ditina dakwe di sawulekile.

Luka 1:49 Referans Kwoze

Masalmo 111:9

Ene a thusile vathu vakwe e maha navo txitumelelano txo mbina magwito. Txizimu txi sawulekile, txi ni mtamo!

Masalmo 99:3

Di na dhumiswe ditina da hombe da kuthisa, nguko dona di sawulekile.

Jeremiya 10:6

Khangaho a fananako ni nawe, awe Mkoma; u wa hombe, ditina dako ndahombe ngutu.

Vaefesu 3:20

Txi na dhumiswe Txizimu, txi sikotako kumaha sasingi ngutu kupinda asi hi txi kombelako mwendo asi hi si pimisako, ngu mtamo wu, txi thumako ngu wona kwathu,

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Masalmo 99:9

Dhumisani Mkoma, Txizimu txathu; mu khizameleni mmangoni kwakwe ko sawuleka! Nguko Mkoma, Txizimu txathu, a sawulekile!

1 Samuwele 2:2

Kha ku na wo sawuleka kufana ni Mkoma; nguko kuwalo mmwani hahanze kwako; kha ku na dirigwi ni da dimwedo do fana ni Txizimu txathu.

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Isaya 6:3

Se ma txi kwangula dimwedo ka dimwani, ma txi kha ona: Msawuleki, Msawuleki, Msawuleki ngene Mkoma wa Mabutho a Tiyimbi; Otshe mafu ma tate ngu wudhumo wakwe.

Jeremiya 20:11

Aniko Mkoma a kumweko ni nani nga ndena yi thavisekako; va xanisi vangu va na humbwa, va si ni xuli; aniko va na so koyo tingana, nguko kha va maha ngu wutxhari; ti nava tingana ta kwa mbi guma, ti singako ni kudivalwa.

Mtuletelo 4:8

Sivangwa siya sa mune, tximwani ni tximwani txi ti ni mtxhanu wa mabhapi ni dimwedo, na si di tate ngu maso, otshe makhalo, mndani ni hahanze. Se wusiku ni mitshikari, sivangwa sile sa embelela si si malali, si txi kha sona: “Msawuleki, msawuleki, msawuleki! Mkoma Txizimu txa mtamo wotshe. Awule a nga ti ho, Awule a kuho ni wule a tako.”

Marku 5:13

Kunukunuko Jesu a to yi tumelela se mimoya yile ya nzambwa yi huma yi ya wulela tikhumbani; se mtxhambi wu tutumela mkovani, wu ya ti rinza digovani, tikhumba ti sela txihindo, mtengo wa tona wu ti lava kuva wa 2.000.

Isaya 1:24

Ngu toneto, Mkoma Txizimu txa Mabutho a Tiyimbi, Ndena ya ka Israyeli, a khene: Ani na ti tsakisa ngu va va ni vengako, ni wukela valala vangu.

Masalmo 24:8

I mani ene Mkoma wuwa wa Wudhumo kani? Mkoma wo tsana nyamitamo, Mkoma, nyamitamo amu ka yimbi.

Isaya 63:1

I mani wuwa a tako ngu Edhomi, ka Bhozira, ni syambalo so bhilivila kani? Awu syambalo sakwe i ku so dhundeka, a tsimbilako ngu mtamo wakwe wa hombe kani? Ani ni wombawombako ngu kululama, ni mtamo ngutu kasi kuhanyisa.

Luka 1:48

Nguko a woni kutiveka hahatshi ka txithumi txakwe; ngu toneto kukhukhela konkuwa, ni na dhanwa ku ni wo kateka ngu totshe tixaka ta vathu.

Luka 1:50

Ni wumbilu wakwe wu tshanganile ka liveleko ni liveleko la vale va mthavako.