Luka 1:43 - Bhiblia Yo Sawuleka

⁴³ Se ti khukhela hani ti to teka ani ni ta dingulwa ngu Mame wa Mkoma wangu kani?

Luka 1:43 Referans Kwoze

Johani 20:28

Se Tomasi a to khene: “Mkoma wangu ni Txizimu txangu!”

Vafilipiya 2:3

Mi nga maheni to maha ngu kukanetana hambi kutikulisa, aniko thumani ngu kutiveka hahatshi, mi si alakanyi ti to ma pinda vamwani ngu wunene.

Luka 2:11

Nyamsi, didhoropani ka Dhavhidha, a velekilwe Muhanyisi, awu i ku Kristu Mkoma.

Masalmo 110:1

Mkoma a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

1 Samuwele 25:41

Sekoko ene a to khukha, e nama ngu khohe hahatshi, a txi khene: Wona, txithumi txako txa txisikati txi na maha txithumi txo sambisa mikondo ya sithumi sa nyamne wangu.

Vafilipiya 3:8

Ngu ditshuri, sotshe ni si wona si si vhuni txilo, ngako ni txi si dinganisa ni lisima la kuziva Kristu Jesu, Mkoma wangu. Ngu mhaka yakwe, sotshe ni si tshotshile, kambe ni si wona i di nzambwa, kasiku ni mana Kristu;

Johani 13:13

Anu mi ni dhana ngu ditina daku ni M'gondisi ni Mkoma; inna, mi womba tona, nguko ani, ngani.

Luka 7:7

se kha na tipfa ni di ni fanelo ya ku ku tela, aniko womba dipswi dimwedo dwe, kasiku txithumi txangu txi na hanya.

Matewu 3:14

Aniko Johani a to lamba a txi khene: “Ani ngani ni fanelako kubhabhatiswa ngu ngawe, se awe u ta kwangu kani?”

Rute 2:10

Sekoko Rute a to wa ngu khohe, e khizama hahatshi, a txi m'gela ku khene: “Ngu kutxani ni mana kukateka masoni kwako, aha koza u txi va ni kukhatala ngu ngani, ani ni ku wa matiko kani?”

Matewu 12:46

Mbimo yi ene a nga ti womba-womba ka dibutho, mame wakwe Jesu ni vanawe va to ema ngu hahanze, va txi lava kuwombawomba nayo.

Luka 1:42

se a txi angula ngu dipswi da kuengiseka a txi khene: “U katekile hagari ka vavasikati, wu katekile ni wona m'hando wa mndani kwako.

Luka 1:44

Txikhati txi ni nga engisa dipswi dako u txi ni losa, mwanana a sinyile mndani kwangu ngu litsako.