Luka 1:42 - Bhiblia Yo Sawuleka

⁴² se a txi angula ngu dipswi da kuengiseka a txi khene: “U katekile hagari ka vavasikati, wu katekile ni wona m'hando wa mndani kwako.

Luka 1:42 Referans Kwoze

Luka 19:38

“A na dhumiswe Mfumeli wu a tako, ngu ditina da Mkoma. Kudikha ku na tale nzumani, ni kupfaliswa ka Nyatxitimwi!”

Valamuli 5:24

Jayeli, a katekile hagari ka vavasikati, ene msikati wa Hebheri, mkeni. Ene a katekile hagari ka vavasikati, vale va zumbako matendani kwakwe!

Luka 1:28

Se, ngako ngelozi yi di wulete ahawa ene a nga ti kona, yi to kha yona: “Xewe, awe wo kateka, Mkoma ana ni nawe.”

Genesisi 22:18

Se ngu ka liveleko lako yi na katekiswa yotshe mifumo ya ha mafuni, nguko u engisile dipswi dangu.”

Luka 1:48

Nguko a woni kutiveka hahatshi ka txithumi txakwe; ngu toneto kukhukhela konkuwa, ni na dhanwa ku ni wo kateka ngu totshe tixaka ta vathu.

Masalmo 21:6

U mningile makatekwa o mbi na magwito; u mninga kuhanya masoni kwako a di tate ngu litsako.

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Varoma 9:5

avava i ku lixaka la vakokwani vathu, avava hambi Kristu a nga velekelwa kwawe ngu ka wuthu, ene a ku txitimwi ka sotshe somaha, i ku Txizimu txi txi dhumiswako yotshe mbimo. Amen.

Masalmo 45:2

Awe u dijaha do tshura ngutu kupinda otshe majaha! Txisofu txako txi womba mapswi o xamalisa Ngu toneto, Txizimu txi kukatekisile kala kupinduka.

Luka 1:41

Neti Izabheli a txi engisa kuloswa ngu Mariya, mwanana a to sinyasinya mndani kwakwe, se Izabheli a to tala ngu Moya wo Sawuleka;

Luka 1:43

Se ti khukhela hani ti to teka ani ni ta dingulwa ngu Mame wa Mkoma wangu kani?