Luka 1:37 - Bhiblia Yo Sawuleka

³⁷ Nguko ka Txizimu ti walo to tandeka.”

Luka 1:37 Referans Kwoze

Matewu 19:26

Jesu a to va wonisisa, a txi khene kwawe: “Ka vathu eto kha ti koteki, aniko ka Txizimu totshe ta koteka.”

Jeremiya 32:27

Ngani Mkoma Txizimu txa vathu votshe; ina txi ho atxi ni nga txi tandako kani?

Marku 10:27

Ngako ene a di gute maso a txi va wonisisa, a to va angula a txi khene: “Ka vathu, eto kha ti koteki, aniko ka Txizimu ta koteka, nguko ka Txizimu totshe ta koteka.”

Jeremiya 32:17

O! Mkoma Txizimu! Ngawe u nga maha nzuma ni mafu ngu mtamo wako wa hombe ni diwoko dako di nga nawulutwa; kha ku na txilo txi tandako kwako:

Luka 18:27

Se ene a txi khene: “Ati ti xulako vathu, kha ti xuli Txizimu.”

Genesisi 18:14

Ina txi ho txo tandeka ka Mkoma kani? Ka dilembe di di tako, ngu yona yiya mbimo, ni na wuya kambe kwako, se Sara a na va a di ni mwanana wa dizambi.

Mitengo 11:23

“Kambe Mkoma a to khene ka Mosi: Ina diwoko da Mkoma di komile kani? Awe verela, konkuwa, u na wona ti to dipswi dangu, di na maheka mwendo kha di na mbi maheka.”

Vafilipiya 3:21

Ene a na phindula mmidi wathu wa wusiwana, a txi wu maha wu txi fanana ni mmidi wakwe wa wudhumo, a txi wu ninga mtamo wo fana ni wule ene a fumako ngu wona sotshe simaha.

Zakariya 8:6

A womba tiya Mkoma wa Mabutho a Tiyimbi: Ngako eto ti txi tsakisa masoni ka votshe vathu ka masiku oneyo, ina ti na tsakisa kambe masoni kwangu kani? Kuwomba Mkoma wa Mabutho a Tiyimbi.

Jobe 13:2

Ati mi ti zivako, na ti ziva nani. Kha ni nga m'dotho kwanu.

2 Vafumeli 3:18

Kambe eto ndidotho masoni ka Mkoma; a na ningela vathu va Mowabhi manzani kwanu.

Luka 1:36

Hambi dixaka dako Izabheli ana ni txirumbu nene, kukumbani kwakwe, se awuwa i mtxima wa wutxhanu ni wumwewo, kwakwe va nga ti mu womba ku njifule;

Luka 1:38

Konaho, Mariya a to khene: “Ngani wuwa txithumi txa Mkoma, ti na maheke kwangu nga ti u wombisako tona.” Se ngelozi yi khukha yi mu siya.

1 Vafumeli 17:16

Kha wa guma mpupu khadini, hambi mtona kha wa pwateka txibhembeni, madingano ni dipswi da Mkoma, ngu txisofu txa Elija.