Luka 1:32 - Bhiblia Yo Sawuleka

³² Ene a na va i di wa hombe, kambe a na dhanwa ku i ‘Mwanana wa Nyatxitimwi.’ Mkoma Txizimu a na mninga txikhalo txa tate wakwe Dhavhidha;

Luka 1:32 Referans Kwoze

Isaya 16:5

Nguko txikhalo txa wukoma txi na tsaniswa ngu wumbilu, se txitimwi ka txona ku na zumba mlamuli, amu ditendani ka Dhavhidha, awu a no lamula, a lavako wululamo, kambe a kuluvetako kumaha ta tinene.

Luka 1:35

Se ngelozi yi to mu angula tiya: “Moya wo Sawuleka wu na txhika txitimwi kwako, se mtamo wa Nyatxitimwi wu na kufenengeta ngu mtsudi wakwe. Ngu toneto, Msawuleki wu a no velekwa a na dhanwa ku Mwanana wa Txizimu.

Masalmo 132:11

Awe u mahile txithembiso ka Dhavhidha, txithembiso txi u no mbi txi tshuralela, u ti khawe: “Mmweyo wa vanana vako ni na mmaha mfumeli awu a no fuma msana kwako.

Marku 5:7

Se a txi peka huwa ngu dipswi da hombe a txi khene: “I mhaka muni u ku nayo ni nathu, awe Jesu Mwanana wa Txizimu Nyatxitimwi?”

Mtuletelo 3:7

Ka ngelozi ya Dibanza da Filadhelfiya, bhala u txi khawe: “A womba tiya msawuleki, awu wa Ditshuri, awu a ku ni khiya ya Dhavhidha, awu a tulako, ku si maneki ni wammweyo wo seka, awu a sekako, ku si maneki ni wammweyo wo tula.

Luka 1:76

Se awe, mwananawe, u na dhanwa ku u mprofeti wa Nyatxitimwi; nguko u na thangela masoni ka Mkoma, kasi kululamisela tinzila takwe.

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Varoma 1:4

aniko ngu ka Moya wo Sawuleka, a kombisilwe ti to i Mwanana wa Txizimu, ngu kuwuka kwakwe ngu ka vakufa, ene Jesu Kristu Mkoma wathu.

Mithumo 2:30

Kambe aku i nga ti mprofeti, a ti tiziva ti to Txizimu txi mu thembisile ngu kuxambanya, ku a na fumisa ha txikhaloni kwakwe ka wukoma, mmweyo wa lixaka lakwe.

2 Samuwele 7:16

Aniko nyumba yako ni mfumo wako si na tsaniswa kala kupinduka masoni kwako; txikhalo txako txa wukoma txi na tsana kala kupinduka.

Matewu 1:1

Dibhuku da liveleko la Jesu Kristu, Mwanana wa Dhavhidha, Mwanana wa Abrahamu.

Mithumo 16:17

Se a to londeta Paulo ni nathu, na a txi kwangula, a txi khene: “Vathu vava mbathumeli va Txizimu Nyatxitimwi; vona va mi zivisa nzila ya kuhanyisa.”

Mithumo 2:36

“Ngu konaho, ta laveka ti to yotshe nyumba ya Israyeli yi tiziva ngu ditshuri da kutsana timhaka tiya: Txizimu txi mwusile Mkoma ni Mesiya, ene Jesu Kristu wu anu mi nga mu gogotela ha txihambanoni.”

Johani 12:34

Vathu va dibutho va to xamula va txi kha vona: “Hi ti engisile amu ka Mlayo ti to Mesiya a na vaho kala kupinduka. Se u wombisa kutxani awe ti to Mwanana wa M'thu a fanete kuguletwa, kani? Mwanana wa M'thu wuwa ngu mani kani?”

Johani 6:69

Ngu toneto, athu ha tumela ni ku tiziva ti to awe u Msawuleki wa Txizimu.”

Marku 14:61

Aniko ene a to tamarisa a txi malala, asi anguli txilo. Mphaxeli wa hombe a to engeta e mu wotisa, a txi khene: “Ngawe Mesiya, Mwanana wa Txizimu txi txi dhumiswako kani?”

Mithumo 7:48

“aniko Nyatxitimwi kha zumbi ka tinyumba to mahwa ngu manza a vathu, madingano ni kuwomba ka Mprofeti, a nga khene:

Matewu 3:11

Ani ni bhabhatisa ngu mati kasiku mi sikota kutilaya, kambe awule a tako msana kwangu, ana ni mtamo kupinda ani, se ani kha ni nga ni fanelo yo ñola hambi tikathula takwe. Ene a na mi bhabhatisa ngu Moya wo Sawuleka ni mndilo.

Luka 6:35

Kasi i di anu, randani valala vanu, mahani wunene, mi txi lombisa simaha sanu ka vamwani, hambi mi si rinzeli kutshumetelwa ngu vona. Kudihelwa kwanu ku nava ka hombe, mi na va mi di vanana va Nyatxitimwi, nguko Ene wa maha wunene ka vale va si ziviko kubonga ni ka vale va tshofu.

Luka 3:16

ene Johani a to va gela votshe a txi khene: “Ani ni mi bhabhatisa ngu mati, aniko a na bwaka awule a ku ni mtamo kupinda ani, awule ani ni ku si nga ni fanelo ya kuthukunyula tingoti ta tikathula takwe; eyo a nata mi bhabhatisa ngu Moya wo Sawuleka ni mndilo.

Luka 1:15

Ene a na va i di wa hombe masoni ka Mkoma, kha na mbi sela vhinya mwendo wusuke wo levisa, a na tala ngu Moya wo Sawuleka a di ngadi mndani ka mame wakwe;

Matewu 12:42

Mfumeli wa wamsikati wa kuta ngu wulambwe, a nata ngu distsiku da kuthethiswa kumweko ni liveleko liya, a txi li kambula, nguko ene a tile ngu magemeta-mitshi ka mafu ku ta pfa wuzivi wa Solomoni. Kasi waho kona hawa, wa hombe kupinda Solomoni.”

Masalmo 132:12

Ngako vanana vako va txi xayisa txitumelelano txangu ni sileleto sangu si ni no va gondisa, vanana vawe ni vona, va na khalahatsha ha txikhaloni kwako ka wukoma, kala kupinduka.”

Jeremiya 17:25

sekoko ku na wuletwa ngu sike sa diya didhoropa, vafumeli ni manganakana va va nga khalahatsha txikhaloni ka wukoma ka Dhavhidha, na va di mu ka sikotxikani si ndindwako ngu mahantxhi, ve londetelwa ngu manganakana awe, ni vathu va ka Judha, ni vazumbi va Jerusalema; didhoropa diya di na va ni vathu kala kupinduka.

Jeremiya 22:2

Pfana mhaka ya Mkoma, awe mfumeli wa ka Judha, u ku ha ka txikhalo txa wufumeli txa Dhavhidha, awe ni sithumi sako, ni vathu vako ava va wulelako ngu sike siya.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.