Luka 1:27 - Bhiblia Yo Sawuleka

²⁷ Yi txi ya ka mbiri, yi nga ti thembisilwe ngu dizambi di di nga ti dhanwa ku i Josefa, wa kuhumela ka lixaka la Dhavhidha. Ditina da mbiri yileya i ti Mariya.

Luka 1:27 Referans Kwoze

Matewu 1:18

Kuvelekwa ka Jesu Kristu ku mahisile tiya: Mariya, Mame wakwe, a manekile a di thembisilwe ngu Josefa; se va sinzi kutekana, a manekile a di ni txirumbu ngu mtamo wa Moya wo Sawuleka.

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

Matewu 1:16

Jakobe a to veleka Josefa, mwamna wa Mariya, awu a nga veleka Jesu, a dhanwako ku i Kristu.

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Jeremiya 31:22

U na peperukela kala yihi mbimo mwananawe, wo bharuka kani? Nguko Mkoma a vangile tximaha txa txiphya ha mafuni: Wamsikati a na vhikela wamwamna.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Luka 1:28

Se, ngako ngelozi yi di wulete ahawa ene a nga ti kona, yi to kha yona: “Xewe, awe wo kateka, Mkoma ana ni nawe.”