Luka 1:25 - Bhiblia Yo Sawuleka

²⁵ A txi khene: “Ati ngu tiya Mkoma a nga ni mahela tona ka masiku awa ene a nga ni wona kasi ku ni thavisa tingana, hagari ka vathu.”

Luka 1:25 Referans Kwoze

Isaya 4:1

Se mtxhanu wa vavasikati ni vambidi, ka dona ditshiku dile, va na ti ñolela wamwamna mmweyo, va txi kha vona: Athu hi nadya sakudya sathu ni kuambala syambalo sathu; ho lava dwe ti to hi dhanwa ngu ditina dako; hi thavise tingana tathu.

Vahebheru 11:11

Ngu likholo, Sara nene, hambiko a nga ti kumbile ngutu, a mani txirumbu nguko a tumete ti to awule a nga mmahela txithembiso, a tsanisile.

Luka 1:13

Aniko ngelozi yi m'gete, yi txi kha yona: “U nga thave, Zakariya, mkombelo wako wu engisilwe. Izabheli msikati wako, a na kuvelekela mwanana wa m'zambi, awu u no m'raya ditina da Johani.

1 Samuwele 1:6

Se mkatikulowe a to mtxhepeta, kasiku mpfisa kupanda, ngu kule Mkoma a nga ti m'vhate masembe.

Genesisi 25:21

Isaake a to khongela ka Mkoma, a txi kombelela mkatakwe Rebheka, nguko i ti txifule. Mkoma a engisile mkombelo wa Isaake, se Rebheka a to mana txirumbu.

Valamuli 11:37

Msana keto, a to womba ka tate wakwe a txi khene: Ni kombela txilo tximwetxo dwe: Ni leke, amu ka mitxima yimbidi, ni txi huma ni vangana vangu, kasiku ni txi ya saluka wuhorana, ngu kutsimbila-tsimbila amu mimangoni.

Isaya 25:8

A na fuvisa lifo ngu ha ku si gwitiko, ngu kumaha keto, Mkoma Txizimu, a na bahula mirongo ka totshe tikhohe, kambe a na thavisa tingana ta vathu vakwe kotshe ha mafuni, nguko Mkoma a wombile.

Luka 1:24

Msana ka masiku awa, msikati wakwe Izabheli a to mama txirumbu, se e zumba a txi ti sisa mtxhanu wa mitxima;

2 Samuwele 6:23

Se Mikali mwana Sawule, kha veleka, kala ka ditshiku da kufa kwakwe.