Luka 1:20 - Bhiblia Yo Sawuleka

²⁰ U na zumba u di txiduma, u si sikoti kuwombawomba kala ditshiku di ti no maheka ngu dona totshe tiya, nguko khwa tumela mapswi angu, aawa ma no tatiseka ngu mbimo yi yi lavekako.”

Luka 1:20 Referans Kwoze

Ezekhiyele 3:26

Se ani ni na maha ti to lidimi lako, li txi namara mkanani kwako, u va txiduma, khu na mbi va wamwamna wule wa ku va txharihisa; nguko mba nyumba yo eyisa.

Ezekhiyele 24:27

Kedo ditshiku, txi na tuleka txisofu txako ka wule a no huluka; se u na womba-womba, khu na mbi maha txiduma ka mbimo yo lapha; ngu kumaha keto, u na va txixamaliso kwawe, kambe va na tiziva taku ani ngani Mkoma.

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

Vahebheru 6:18

Ku ni simaha simbidi so tsana. Ka sona si sa simbidi, kha ti koteki ti to Txizimu txi hi kanganyisa. Ngu toneto, athu hi txi thembako, hi fanete kunamarela ngu kutsana ka txithembiso txi txi nga vekwa masoni kwathu.

Luka 1:22

Mbimo yi a nga huma, a to tandeka kuwombawomba navo, se vona ve tiziva ti to a woni txiwoniso Dithepeleni. A ti ko maha ngu kuxungametela, e zumba i di txiduma.

Titosi 1:2

ngu kuthemba wutomi wo mbi guma, wu nga thembiswa, ku sinzi kuhoka timbimo to mbi guma ngu Txizimu, atxi txi si wombiko makuhu,

2 Timoti 2:13

ngako hi si thembeki, ene a na zumba a di thembekile, nguko kha na ku ti kaneta apune.”

Luka 1:45

U katekile awe u nga tumela, nguko ti na maheka kwako ati ti nga wombwa ngu Mkoma.”

Marku 16:14

Ngu kugwitisa a to woneka ka va digumi ni mmweyo, va di ha sakudyani, e va kawuka ngu ku ambi kholwa kwawe ni kubanga ka timbilu tawe, nguko kha va kholwa ngu va va nga mu wona, a di wukile ngu ka vafi.

Marku 9:19

Jesu a to xamula a txi khene: “Anu, liveleko la kwa mbi kholwa, ni na va ni nanu kala mbimo muni? Ni na timisela ngu nganu kala txikhati muni kani? Mu neheni kwangu.”

Isaya 7:9

Hambi keto, m'zinda ka Efrayime, ngu Samariya, ni msungo wa Samariya, i mwana Remaliya; ngako mi si kholwi, lambi kha mi na mbi tsana.

2 Vafumeli 7:19

Se mthangeli wule wa yimbi a to xamula ka m'thu wa Txizimu, a txi khene: Hambi i ti ku Mkoma o tula mafasitela nzumani, ina ti da maheka nga toneto kani? Se m'thu wa Txizimu a ti nga khene: U na ti wona ngu maso ako, sekoko ngu toneto khu na mbi dya.

2 Vafumeli 7:2

Sekoko mthangeli wa yimbi awule a nga ti sanzekile kwakwe diwoko mfumeli, a to xamula ka Elixa, m'thu wa Txizimu, a txi khene: Hambi i ti ku Mkoma o maha mafasitela nzumani, ti ndi na maheka toneto kani? Se Elixa a to khene: Sekoko u na ti wona ngu maso ako, hambi keto kukhukhela ka koneho khu na mbi dya.

Mitengo 20:12

Se Mkoma a to khene ka Mosi ni ka Aroni: Ta woneka ti to kha mi kholwi kwangu; kha mi ni sawulekisi ta tinene ka vanana va ka Israyeli. Lambi, anu kha mi na mbi wu hokisa awu msengeletano ka ditiko di ni nga va ninga dona.

Eksodha 4:11

Se Mkoma a to mxamula a txi khene: “I mani a nga va nga txisofu txa m'thu kani? Mwendo i mani a nga maha txiduma mwendo diphanzeve, awule a wonako ni wule i ku dibhofu kani? Ina hi nga ani Mkoma kani?

Varoma 3:3

Se hi na khathu txani, ngako vamwani kwawe va sa thembeka kani? Ina kuthembeka ka Txizimu ku nga fuviswa ngu ku ambi thembeka kwawe kani?

Dhaniyeli 10:15

Se ene a txi nga txi womba-womba ni nani timhaka eto, ni to namisa khohe yangu ni malala ni txi dwe.

Luka 1:19

Ngelozi yi xamute yi txi kha yona: “Ani ngani Gabriyele, wule a emako masoni ka Txizimu, ni rumetwe ku ta womba-womba ni nawe ni ku ta ku xawutela mahungu awa amanene.

Luka 1:21

Se dibutho di ti verela Zakariya, di txi xamala kuswela kwakwe wukhaloni mule ko Sawuleka.

Luka 1:64

Kunukunuko txi to tuleka txisofu txakwe, li txi txhatxheka lidimi lakwe, a txi khata kuwombawomba, a txi dhumisa Txizimu.