Luka 1:17 - Bhiblia Yo Sawuleka

¹⁷ A na thangela masoni ka Mkoma ngu moya ni mtamo wo fana ni wa Elija; a na wuyisa timbilu ta vaveleki ti ta manana ni ta vanana vawe; a na wuyisa vaeyisi ka wuzivi wa valulami, kasiku e lulamisela Mkoma ngamu yi yi hanelako ene.”

Luka 1:17 Referans Kwoze

Matewu 11:14

Ngako mi txi lava kutumela, Johani ngene Elija, awu va nga ti kha vona a nata.

Luka 1:76

Se awe, mwananawe, u na dhanwa ku u mprofeti wa Nyatxitimwi; nguko u na thangela masoni ka Mkoma, kasi kululamisela tinzila takwe.

Johani 3:28

Anu mipune mi tifakazi ta ti ni nga womba ni txi khani: ‘Hi nga ani Mesiya, ni to rumelwa kuthangela masoni kwakwe.’

Masalmo 78:8

va si fani ni vatate vawe, i nga ti liveleko la sindaka-milayo, siphukuphuku i ku liveleko li nga mbi xayisa mbilu ya lona, ni moya wa lona wu nga mbi thembeka ka Txizimu.

1 Makronika 29:18

Mkoma Txizimu txa vatate vathu, Abrahamu, ni Isaake, ni Israyeli, vekisa eto mbimo yotshe, kunavela ka mipimiso ya timbilu ta vathu vako; u rendekelisa timbilu tawe kwako.

Mtuletelo 20:4

Konako ni to wona sikhalo sa wukoma. Se avava va nga ti khalahatshile ka sona va to ningwa mtamo wo lamula. Ni to wona kambe mimoya ya vale va nga wilwa misungo ngu mhaka ya wufakazi wa Jesu ni Dipswi da Txizimu; ni vale va nga mbi khizamela txikalani ni txithombe txa txona. Kambe kha va amukela txixambanyo txa txona ha timbanza kwawe mwendo manzani kwawe. Vona va tshumete ve hanya ve fuma kumweko ni Kristu, txipimo txa 1.000 wa malembe.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Vakolosa 1:12

bongani ka Tate, a nga mi ninga mathomo a kumana txyavelo kumweko ni vasawuleki liwoningoni.

Masalmo 111:10

Wuzivi wa ditshuri ngu kuthava Txizimu; avale va txi khozelako va na ni mapimo. Txi na dhumiswe Txizimu kala kupinduka!

2 Timoti 2:21

Ngu konaho, awu a ti basisako ka sihoxo siya a na va i di txiya txa hombe, txo sawuleka, txa kuvhuna ka nyamne wa txona, atxi txi nga lulamiselwa wotshe mthumo wa wunene.

Isaya 29:24

Se vale va nga wekela moyani, va na tava ni mapimo, ni vale vo ngungurukela, va na tumela kugondiswa.

Varoma 9:23

Txizimu txi lavile kambe kukombisa kukula ka wudhumo wa txona ka vale txi nga va sawula ngu kale, ngu wumbilu wa txona, kasiku va na ya zumba kutsakani ka txona.

Mithumo 10:33

Ngu konaho ni nga kuluveta kuruma vathu va ta kudhana. Se u tshambisile u nga ta. Konkuwa hi maneka hawa hotshethu masoni kwako, kasi kuengisa totshe ti Txizimu txi nga kuleleta tona.”

Johani 1:34

Ni ti woni ngu maso angu, se na fakaza ti to Ene i Mwanana wa Txizimu.”

Johani 1:13

Vona mbanana va Txizimu, i si nga ngu nzila ya mtumbuluko, mwendo kunavela ka mmidi hambi kuranda ka m'thu, aniko va velekilwe ngu Txizimu.

Luka 1:16

Se a na wuyisa vanana vavangi va Israyeli ka Mkoma, Txizimu txawe.

Matewu 14:4

Nguko Johani a ti ti khene kwakwe: “Kha ti tumeleki ku mteka e maha msikati wako.”

Amosi 4:12

Ngu mhaka yeto, ni na kumaha toneto awe Israyeli! Se ngu mhaka ya ti ni no kumaha, ti lulamisele awe Israyeli, kasi kumanana ni Txizimu txako.

Masalmo 10:17

Mkoma, engisa mikombelo ya sisiwana; si mbuwetele u txi si amukela.

2 Makronika 29:36

Se Ezekhiya kumweko ni vathu votshe va to tsaka ngu ti Txizimu txa nga va mahela tona, ngu ku va sikotile kumaha wotshe mthumo ngu kukuluveta.

1 Vafumeli 21:20

Se Akabe a to khene ka Elija: Se u ni mani awe mlala wangu kani? Se Elija a to khene: Ni ku mani; nguko se u ti xavisile, ngu kumaha to biha masoni ka Mkoma.

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

1 Johani 2:28

Se kona kuwa anu sivanananana, zumbani kwakwe Kristu, kasi ku mbimo yi a no ti wonekisa, hi nava ni kuthemba ka hombe, hi si vi ni tingana, kuwuyani kwakwe.

Matewu 3:4

Ene Johani a ti ambate tinguwo to mahwa ngu madhowo a makamelu, e sunga libhande la didhowo txiwununi. Sakudya sakwe i ti humbi ni wulombe wa txitinga.

2 Vafumeli 1:16

Se a to khene kwakwe: Mkoma a khene: Njitxani txi nga kumaha awe mfumeli u rumela mitumi kuya wotisa ka Bhahali-Zebhubha, txizimu txa Ekroni kani? Ina kova walo Txizimu amuwa Israyeli, kasi ku wotisa timhaka tako kani? Ngu kumaha keto khu na mbi txhika ngu ha m'bhedhuni hawa, kha ditshuri u na fa.

1 Vafumeli 18:18

Se ene a nje khene: Ani kha ni zivi ku nga khulumetela Israyeli, aniko ngawe ni nyumba ya tate wako, ngu ku mi nga leka milayo ya Mkoma mi londisa va ka Bhahali.

1 Samuwele 7:5

Samuwele a to engeta, a txi khene: Sengeletani votshe va ka Israyeli kona Misipa, aniko na mi kombelela ka Mkoma.

Matewu 3:3

Johani ngene wu a nga wombwa ngu mprofeti Isaya, a txi khene: “Dipswi da wu a huwelelako txiwulani di kha dona: Longiselani nzila ya Mkoma lulamiselani magondo akwe.”