Luka 1:16 - Bhiblia Yo Sawuleka

¹⁶ Se a na wuyisa vanana vavangi va Israyeli ka Mkoma, Txizimu txawe.

Luka 1:16 Referans Kwoze

Matewu 21:32

Nguko Johani a tile kwanu a ta mi gondisa nzila ya kululama, kambe kha ma kholwa ngu ngene, kasi vakhupisi ni magelelegele va khotwe ngu ngene; kasi anu, hambiko mi nga wona tiya, kha ma sikota kuhunduluka mi txi kholwa ngu ngene.”

Malakiya 3:1

Wonani taku, ni mi rumela ngelozi yangu, ayi yi no ni lulamisela nzila, se msana keto, Mkoma wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba Mkoma wa Mabutho a Tiyimbi.

Isaya 49:6

A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.

Luka 1:76

Se awe, mwananawe, u na dhanwa ku u mprofeti wa Nyatxitimwi; nguko u na thangela masoni ka Mkoma, kasi kululamisela tinzila takwe.

Dhaniyeli 12:3

Titxhari koko ti na phatima kufana ni kuphatima ka mzuma; ni vale va kombako vathu nzila ya kululama va na woninga ku nga tinyeleti, mbimo yotshe ni ha ku si gwitiko.

Luka 3:3

Se ene a to tsimbila ka dotshe ditiko da Jordhani, a txi txhumayela txibhabhatiso txa kuhunduluka, kasi kuve mana divalelo ya sionho;