Luka 1:15 - Bhiblia Yo Sawuleka

¹⁵ Ene a na va i di wa hombe masoni ka Mkoma, kha na mbi sela vhinya mwendo wusuke wo levisa, a na tala ngu Moya wo Sawuleka a di ngadi mndani ka mame wakwe;

Luka 1:15 Referans Kwoze

Jeremiya 1:5

“Ni ku zivile ni si se kuwumba mndani ka mwamwako; kambe na u si se velekwa ni kusawute, kuva mprofeti wa matiko.”

Vaefesu 5:18

Se mi nga leveni ngu vhinya, ayi ka yona ku ku ni mazunga, aniko talani ngu Moya;

Vagalatiya 1:15

Aniko mbimo yi Txizimu txi nga ni sawula, ni di ngadi mndani ka mama, txi ni dhana ngu kateko ya txona,

Mithumo 2:4

Votshe va to tala ngu Moya wo Sawuleka, se va to khata kuwombawomba tidimi ta tiphya, nga tiya Moya wu nga txi va ninga kuwombawombisa tona.

Luka 7:33

Nguko Johani Mubhabhatisi a tile, asi dyi sakudya, asi seli vhinya, kambe mi txi khanu: ‘Ana ni didhimoni.’

Joxuwa 4:14

Ka ditshiku dile, Mkoma a to kulisa Joxuwa masoni ka votshe va ka Israyeli, se va to va ni txithavo, nga ti va nga mahisa tona ka Mosi, ka otshe masiku a kuhanya kwakwe.

Luka 7:28

Se ani ni khani, hagari ka va va nga velekwa ngu vavasikati, kha nga ho wa hombe kupinda Johani; kambe awu i ku wam'dotho Mfumoni ka Txizimu mbwa hombe kupinda ene.”

1 Makronika 17:8

Ni ti ti kumweko ni nawe kotshe amu u nga ti tsimbila-tsimbila kona, aniko ni fuvisile votshe valala masoni kwako, ni mahile ti to ditina dako di fana ni ditina da vathangeli va vakuho ha mafuni.

Joxuwa 3:7

Se Mkoma a to khene ka Joxuwa: Nyamsi ni na khata ku kukulisa masoni ka votshe va ka Israyeli, kasi kuve ziva tito, ni na va kumweko ni nawe, nga kule ni ngava kumweko ni Mosi.

Zakariya 9:15

Mkoma wa Mabutho a Tiyimbi a na va vhikela; se va na dya msana ka kuva va di xute valala ngu marigwi a txibhalakaza; kambe va na sela ve maha diguwa nga va to leviswa ngu vhinya; se va na tala nga majingo txiluveloni.

Masalmo 22:9

Awe u ni xayisile kukhukhela mndani ka mame wangu u txi ni veka ni xayiseka manzani kwakwe.

1 Makronika 29:12

Se tithomba ni wudhumo si ta ngu kwako, awe wa fuma txitimwi ka sotshe, mtamo ni wukoma si manzani kwako; wa kulisa ni kuninga mtamo ka sotshe ngu manza ako.

Genesisi 48:19

Aniko tate wakwe a to lamba, a txi khene: Ani na tiziva mwanangu, na tiziva; nene a na anda, kambe a na maha wa hombe; hambi keto, mnanda wakwe a na va i di wa hombe kupinda ene, ni liveleko lakwe li na maha mifumo yo tala.

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Johani 5:35

Johani i ti liwoningo li li turako, li woningako. Se anu mi randile kutsakela kuwoninga kwakwe ngu mbimoanyana.

Levhi 10:9

Ngako awe ni vanana vako mi txi lava kuwulela ditendani ka msengeletano, mi nga seleni vhinya, hambi ni simwani so sela si si levisako, nguko mi nga fa. Awuwa mlayo mbwo kala kupinduka, ka sotshe situkulwana sanu.

Jeremiya 35:6

Aniko va to xamula va txi kha vona: Kha hi na mbi sela vhinya, nguko Jonadhabhe, mwana Rekabhi, tate wathu, a hi layile a txi khene: Mi nga dhuki mi sela vhinya, anu ni vanana vanu.

Luka 1:14

U na va ni kutsaka, ni kunengela, se vavangi va na tsakela kuvelekwa kwakwe.