Luka 1:11 - Bhiblia Yo Sawuleka

¹¹ Sekoko Ngelozi ya Mkoma yi to ti wonekisa kwakwe, yi di emile ngu didhawa da txinene ka txiluvelo txa dibaselo.

Luka 1:11 Referans Kwoze

Valamuli 13:3

Se Ngelozi ya Mkoma yi to ti wonekisa ka wu wa wamsikati, yi txi m'gela tiya: “Wona taku u txi fule, khu khali ku va ni vanana; aniko, u na mana txirumbu u txi veleka mwanana wa mfana.”

Mtuletelo 9:13

Se ngelozi ya wutxhanu ni yimweyo yi to veta mpundu wa yona. Konako ni to engisa dipswi di txi huma ngu ka titxheho ta mune ta txiluvelo txa nzalama, atxi txi ku masoni ka Txizimu.

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Mithumo 5:19

Kambe Ngelozi ya Mkoma yi to tula matimba mkorani ni wusiku, yi va humisa hahanze, yi txi kha yona:

Luka 2:10

Ngelozi yi to va gela yi txi kha yona: “Mi nga thaveni, nguko ni mi bikela mahungu amanene a kutsaka ka hombe, akuwa ku no va i di ka votshe vathu.

Luka 1:28

Se, ngako ngelozi yi di wulete ahawa ene a nga ti kona, yi to kha yona: “Xewe, awe wo kateka, Mkoma ana ni nawe.”

Luka 1:19

Ngelozi yi xamute yi txi kha yona: “Ani ngani Gabriyele, wule a emako masoni ka Txizimu, ni rumetwe ku ta womba-womba ni nawe ni ku ta ku xawutela mahungu awa amanene.

Valamuli 13:9

Se Txizimu txi to engisa txikombelo txa Manowa; se Ngelozi ya Txizimu yi to ta kambe ka wamsikati, mbimo yi a nga ti ti thembweni, aniko a ti si nga ni mwamna wakwe Manowa.

Levhi 16:13

Se a na thela dibaselo txitimwi ka makala a mndilo, masoni ka Mkoma, wutshi wa dibaselo, wu na fanengeta txikhalo txa Wufakazi, kasiku Aroni asi fi.

Luka 2:9

Ngelozi ya Mkoma yi to woneka hafuhi kwawe, se kuphatima ka Mkoma ku txi va randela, se vona ve khata kutelwa ngu dizowa.