Levhi 9:9 - Bhiblia Yo Sawuleka

⁹ Vanana va Aroni va to mninga mnoha, aha Aroni a nga beta litiho e li nakanisa, a txi tota mnoha aha ka titshoka ya txiluvelo, se a to thela mnoha hafuhi ka txiluvelo, awu wu nga sala.

Levhi 9:9 Referans Kwoze

Levhi 8:15

Se Mosi a to wila thamo ya txirolyana; e nakanisa litiho mu ka mnoha, se e totela ngu wona ka madhawa a txiluvelo, ngu kurendelekisa, kasi kusawulekisa txiluvelo. Mnoha wu wu nga sala, a to wu thela hafuhi ka txiluvelo, e txi sawulekisa, ti to mhamba yo kuwula txionho yi txi mahelwa konaho.

Vahebheru 2:10

Kha ditshuri, ti ni fanelo, ti to awule a lumbwako ngu sotshe, awu kambe i ku ene a nga si va nga, ngako a nga lava kuguleta vanana vavangi a txi va veka ka txikhunja txa wudhumo, e thanga ngu kusawulekisa Muhanyisi wa kona ngu wuhetiseki wa sixaniso.

Levhi 16:18

Ngako a di humile, a na ya ka txiluvelo txi txi ku masoni ka Mkoma, a di ni mnoha wa dirole ni wa mabhongwe, e xwayela ngu wona titshokata madhawani ka txiluvelo.

Levhi 9:18

Sekoko, a to wila thamo ya didhuna ni ya hamba, si txi va i di mhamba ya mpatano, yo mahwa ngu vathu; vanana va Aroni va to mninga mnoha awu a nga xwayela ngu wona aha ka txiluvelo, ka madhawa otshe.

Levhi 9:12

Aroni a to wila thamo ya txihari txa mhamba yo hiswa. Se vanana vakwe va to mningeta mnoha, aha Aroni a nga xwayela ngu wona txiluvelo ka otshe madhawa.

Levhi 4:30

Mphaxeli a na beta litiho lakwe mu ka mnoha wa txihari e totela ngu wona titshoka ta txiluvelo txa mhamba yo hiswa, mnoha wu wu salako a fanete ku wu thela hafuhi ka txiluvelo.

Levhi 4:25

Mphaxeli a na teka ngu litiho mnoha wa mabhongwe wu va nga maha ngu ngene mhamba yo kuwula txionho, e tota ngu wona ha ka titshoka ta txiluvelo txa mhamba yo hiswa; sekoko mnoha wu wu nga sala a na wu thela hafuhi ka txonetxo txiluvelo txa mhamba yo hiswa.

Levhi 9:10

A to hisa mafura a dirole ha txiluveloni, titsho ni diwomba da txivindi, nga tonti Mkoma a nga gelisa tona Mosi.

Ezekhiyele 43:15

Ni Txikho txa mune wa mikono; se kukhukhela ka txikho kala txitimwi, ku ti ti ni mune wa titxheho.

Ezekhiyele 43:20

Kambe u na teka mnoha wa kona, u txi wu veka ka mune wa makhona, ni ka mune wa titshulu ta m'dhweva, ni ka likasa lo ranganyeta, u na mahisa eto kusawulekisa ni kudivalela sionho.