Levhi 9:7 - Bhiblia Yo Sawuleka

⁷ Se Mosi a to khene ka Aroni: Tshuketa ha txiluveloni, u maha mphaxo wako wa txionho, ni mningelo wa mhamba yo hiswa, u maha mhamba ya kudihela txionho, ngu didhawa dako ni didhawa da vathu, ngu toneto kambe, maha mningelo wa mhamba ya vathu votshe, u va mahela mhamba yo divalelwa txionho, nga tonti a nga womba Mkoma Txizimu.

Levhi 9:7 Referans Kwoze

Vahebheru 5:3

Ngu toneto, a fanela kuphaxa timhamba a txi alakanya sionho sakwe ni sa vathu votshe.

Vahebheru 5:1

Ngu toneto, wuhi ni wuhi i ku Mphaxeli wa Hombe, kota nga ti a nga sawulwa hagari ka vathu-kulowe, a ni fanelo ya kuthumela vona vathu ka timhaka ti ti tsimbilelanako ni mthumo wa Txizimu, kasiku a txi maha miningelo ni timhamba ta kudihela sionho.

Vahebheru 9:7

Aniko, ka ditenda da wumbidi ku ti wulela mphaxeli wa hombe ekha, kumweko ngu dilembe, aniko atiya, a ti si ti mahi a sa thanga ngu kumaha mningelo wa mnoha wa kuhiselwa sionho sakwe ni sa vathu.

Levhi 4:3

ngako i di mphaxeli, a nga maha txionho, e maha txikhuvekiso ka vathu, a na ningela ka Mkoma, kota mhamba yo kuwula txionho, dirole do mbi limala.

1 Samuwele 3:14

Ngu toneto, ni xambanyete nyumba ya Eli, ti taku kuonha ka nyumba ya Eli kha ku na mbi dhuka kudivalelwa kambe, ngu miphaxo, hambi ngu mningelo wa sakudya.

Levhi 9:2

A to khene ka Aroni: Teka dirole, kasi kumaha ngu dona mhamba yo kuwula txionho, ni hamba yo maha mningelo wo hiswa, sihari siya ngu si so mbi na sibawa, u na si ningela ka Mkoma.

Levhi 8:34

Mkoma ngene a nga ruma kumaha ati hi nga ti maha konkuwa, kasi ku hi txi mana kudivalelwa sionho.

Levhi 16:6

Msana keto, Aroni a na ningela dirole da matune, da mningelo wu wo divalela sionho sakwe; kambe a na maha ngu mhaka ya sionho sakwe, ni sa ngamu yakwe.

Levhi 16:11

Se Aroni a na ningela dirole da mhamba yo divalela txionho, yo lumba ene apune, ni txa ngamu yakwe; e di daya dirole da mningelo wo hiswa.

Levhi 16:24

A na samba mmidi ngu mati a di ha wukhaloni ko sawuleka, e ambala syambalo sakwe a txi huma. Se e maha mningelo wa mhamba yo hiswa ngu wutumbu wakwe apune ni wa vathu, a txi maha mhamba yo divalela txionho, ene ni vathu votshe.