Levhi 9:6 - Bhiblia Yo Sawuleka

⁶ Se Mosi a to khene: Ni na mi txhamusela mithetho yi Mkoma a nga ni ninga. Ngako mi txi yi vekisa, mi na sikota kuwona mtamo wakwe wo sawuleka.

Levhi 9:6 Referans Kwoze

Levhi 9:23

Sekoko Mosi, a to wulela ditendani ka msengeletano kumweko ni Aroni, mbimo yi va nga huma, va to katekisa vathu. Se Mkoma a to kombisa mtamo wakwe wo xamalisa ka vathu votshe.

Ezekhiyele 43:2

Kuphatima ka Txizimu txa ka Israyeli ku ti ti ta ngu nzila ya wutxani; se dipswi da txona di ti nga ova diguwa da mati amangi, se mafu ma to vangamela ngu mhaka ya kuphatima ka txona.

Eksodha 24:16

Se kuphatima ka Mkoma ku to maneka txitimwi ka mmango wa Sinayi, direfu di to wu fenengeta, mtxhanu wa masiku ni dimwedo; se ngu ditshiku da wutxhanu ni mambidi, Mkoma a to dhana Mosi, a di mndani ka direfu.

Eksodha 16:10

Mbimo yi Aroni a nga ti womba-womba ka msengeletano wotshe wa vanana va ka Israyeli, va to tshembereka va txi wona didhawa da txiwulani, aha ku nga humelela mu direfuni wudhumo wa Mkoma.

Levhi 9:5

Sekoko vona va to teka sotshe si Mosi a nga si leletela, ve si tisa ha txikeni ka ditenda da msengeletano wotshe wa ka Israyeli, wu nga tshuketa hafuhi ka Mkoma, wu txi ema kona.

Eksodha 29:43

Ngu wonewo wukhalo ni no va ni txi ta manana ni vanana va ka Israyeli, se wu na va i di wukhalo wu wu no va wu txi sawulekiswa ngu wudhumo wangu.