Levhi 9:3 - Bhiblia Yo Sawuleka

³ Ngu msana, womba ka va ka Israyeli u txi khawe: Tekani mabhongwe, e mahwa mhamba yo thavisa txionho, ni dirole, ni txihambana, sa dilembe dimwedo, so mbi na sibawa, kasi kumaha mningelo wo hiswa,

Levhi 9:3 Referans Kwoze

Ezra 6:17

Se va to henjeleta ka mthumo wa kuningelisiswa ka Nyumba yiya ya Txizimu, 100 wa marole, 200 wa xihambana, ni 400 wa sinvutana, ni digumi da vamabhongwe ni vambidi, kasi kukombela kudivalelwa ka sionho sa votshe va ka Israyeli, ngu mtengo wa tihunzu ta va ka Israyeli.

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Varoma 8:3

Nguko ati mlayo wu nga ti tanda ngu mhaka ya dikhodho da mmidi, Txizimu txi ti mahile, ngu kurumela Mwanana wa txona, a di ni txiemo txa wuthu wa txionho, kasi ku ta xula txionho, ni ku txi abanisa kona mmidini;

Levhi 4:23

mwendo txionho txile a nga txi maha, txi txi ziwa, sekoko a tisa mabhongwe wo tekwa hagari ka tiphongo, kasi ku ta maha mphaxo wa kuthavisa txionho.

1 Pedro 3:18

Kha ditshuri, Kristu nene a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu. A fite ngu ka mmidi, aniko a hanyisilwe ngu ka moya.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Isaya 53:10

Hambi keto, Mkoma a tsakete ku mxanisa, e mpfisa kupanda, ngako muhefemulo wakwe wu txi maha mhamba yo thavisa sionho, a na wona vatukulu vakwe, a na andisa masiku, se litsako la linene la Mkoma, li na kula manzani kwakwe.

Ezra 10:19

Va to ningana manza, na va txi thembisa ku va na salisana ni vasikati vawe, se ngu ku tipfa mnandu, va to teka hamba ka mtxhambi ve maha mphaxo ngu mhaka ya sionho sawe.

Levhi 23:12

Ka ditshiku di nyanda yi no ndiwitelwa, mi fanete kumaha mningelo wo hiswa ka Mkoma, ngu txinvutana txa dilembe dimwedo, txo mbi na wulima.

Levhi 16:15

Msana keto, a na daya mabhongwe wu a nga mahwa mningelo ngu vathu, kasi kumaha mhamba yo divalela txionho, e teka mnoha wa kona e wu tisa mndani ka nguwo a txi maha tonti a nga maha ngu mnoha wa dirole, e xwayela ngu wona masoni ka txifenengeto txa mtundu ni txitimwi ka wona.

Levhi 16:5

Se ka msengeletano wa vanana va ka Israyeli, u na teka vamabhongwe vambidi, kasi kumaha mhamba yo kuwula txionho, ni hamba yimweyo ya mningelo wo hiswa.

Levhi 14:10

Ka ditshiku da wutxhanu ni mararu, a na teka sinvutana simbidi so mbi na txibawa, ni txinvutana txa dilembe dimwedo, txo mbi na txibawa, ni mipimo yiraru ka digumi da yona ya mpupu wo vhuvwa ni mtona, ku txi va i di mningelo wa sakudya, ni hafu ya mfarasa ya mtona.

Levhi 12:6

Ngako ma di gumile masiku a kubasiswa kwakwe, ngu ku va a di velekile mwanana wa mfana mwendo wa muhorana, a na va a txi ya maha mningelo ka mphaxeli, ha txikeni ka ditenda da msengeletano, ngu txinvutana txa dilembe dimwedo, kasi kumaha mhamba yo hiswa, ni txituvani, ni dituva, kasi kumaha mhamba yo basisa txionho.

Eksodha 12:5

Txinvutana mwendo txihongwana txi na va txa matune, txo mbi limala, na i di txa dilembe dimwedo. Anu mi na sawula tximwetxo hagari ka tinvuta mwendo hagari ka tiphongo;

Genesisi 37:31

Sekoko va to daya mabhongwe mmweyo, ve teka dibhaji da Josefa va txi di nakanisa ngu mnoha

Levhi 9:2

A to khene ka Aroni: Teka dirole, kasi kumaha ngu dona mhamba yo kuwula txionho, ni hamba yo maha mningelo wo hiswa, sihari siya ngu si so mbi na sibawa, u na si ningela ka Mkoma.

Levhi 9:4

kumweko ni homu ya matune ni hamba, sihari siya mi na si ningela ka Mkoma, ngu mhamba ya mpatano, ni wumwani mningelo wa mpupu, wo vhuwa ni mtona, nguko nyamsi, Mkoma a lava ku ti wonekelisa kwanu.

Levhi 10:16

Konako, Mosi a to wotisa ti va nga maha ngu mabhongwe wa mhamba yo divalela txionho, aniko ene mabhongweyo na a ti hisilwe. Mosi a to henya ngutu e henyela Eleyazari ni Itamari, vanana va Aroni, avale va nga ti sate va txi hanya, a txi khene:

Levhi 4:3

ngako i di mphaxeli, a nga maha txionho, e maha txikhuvekiso ka vathu, a na ningela ka Mkoma, kota mhamba yo kuwula txionho, dirole do mbi limala.