Levhi 9:23 - Bhiblia Yo Sawuleka

²³ Sekoko Mosi, a to wulela ditendani ka msengeletano kumweko ni Aroni, mbimo yi va nga huma, va to katekisa vathu. Se Mkoma a to kombisa mtamo wakwe wo xamalisa ka vathu votshe.

Levhi 9:23 Referans Kwoze

Levhi 9:6

Se Mosi a to khene: Ni na mi txhamusela mithetho yi Mkoma a nga ni ninga. Ngako mi txi yi vekisa, mi na sikota kuwona mtamo wakwe wo sawuleka.

Mitengo 16:19

Se Kora a to tshanganisa msengeletano wa vathu vakwe votshe, ha txikeni ka ditenda da msengeletano, konaho kuphatima ka Mkoma ku to woneka masoni ka wotshe msengeletano.

Mitengo 16:42

Se mbimo yi vathu va nga tshangana ve wukela Mosi ni Aroni, va to tutumela kuya ditendani ka msengeletano, konaho ku to woneka direfu di txi va fenengeta, ni wudhundo wa Mkoma wu to woneka.

Mitengo 14:10

Sekoko wotshe msengeletano wu txi lava ku va balisela ngu marigwi; konaho, ku to humelela kuphatima ka Mkoma, ku txi ta fenengeta ditenda da msengeletano, masoni ka votshe vanana va ka Israyeli.

Eksodha 39:43

Mosi a to xolisisa wotshe mthumo, e wona ti to wu mahilwe ngu kulondeta totshe ti Mkoma a nga leleta tona; sekoko Mosi a to va katekisa.

2 Makronika 7:1

Mbimo yi Solomoni a nga heta kukhongela, ku to txhika mndilo ngu nzumani u hisa mningelo wo hiswa ni miphaxo; se wudhumo wa Mkoma wu to tata nyumba.

Eksodha 16:10

Mbimo yi Aroni a nga ti womba-womba ka msengeletano wotshe wa vanana va ka Israyeli, va to tshembereka va txi wona didhawa da txiwulani, aha ku nga humelela mu direfuni wudhumo wa Mkoma.

Levhi 9:4

kumweko ni homu ya matune ni hamba, sihari siya mi na si ningela ka Mkoma, ngu mhamba ya mpatano, ni wumwani mningelo wa mpupu, wo vhuwa ni mtona, nguko nyamsi, Mkoma a lava ku ti wonekelisa kwanu.