Levhi 8:8 - Bhiblia Yo Sawuleka

⁸ Msana keto, a to muambeka nguwo ya hakhana, e veka ka nguwo ya hakhana Urime ni Tumime;

Levhi 8:8 Referans Kwoze

Ezra 2:63

Se mfumeli kha va tumela ti to vedya sile so sawuleka, kala kuza kumaneka mphaxeli a di ni Urime ni Tumime.

1 Vatesalonika 5:8

Aniko, athu hi ku va mitshikari, he hanyeni ngu kutipimela, he ambaleni txikatawu txa txikete txa likholo ni lirando, hi txi ambala txithembo txa kuhanyiswa, txi txi maha txidgoko txathu.

Vaefesu 6:14

Emekani ngu kutsana. Sungani siwunu ngu ditshuri, di txi maha libhande lanu. Ambalani kululama ku txi maha txivhikelo txa khana yanu.

Isaya 59:17

Nguko a ti ambekile kululama, ku nga txikatawu txa simbi, e sanzeka txigoko txa kuhanyisa ha msungo kwakwe, se a to ambala syambalo so ti photela, e fenengela txiluse txi txi nga dijasi.

Ndando ya Tindando 8:6

Ni veke nga txitambu mbiluni kwako, ni txi nga txitambu diwokoni kwako, nguko lirando li ni mtamo kufana ni lifo, ni wukwele wu karata kufana ni dithitha dituro da kona di fana ni dituro da mndilo, di hisa kufana ni titshatsha ta Mkoma.

Mitengo 27:21

Se a na vekwa masoni ka Eleyazari, mphaxeli wu ni no mtisa ka Urime, masoni ka Mkoma; nga ti a nga womba, va na huma; ni ku nga ti a nga ti womba ve wulela, ene ni votshe vanana va ka Israyeli, ni wosthe msengeletano.

Dhewuteronome 33:8

Ngu didhawa da Levhi, ene a ti khene: Simaha sako so sawuleka sa Tumime ni Urime, si ningetwe ka msawuleki walo, awule a nga m'duka kona Masa, awule u nga kanetisana nayo matini ka Meribha;

1 Samuwele 2:28

Se ani ni msawute hagari ka totshe tihunzu ta va ka Israyeli kuva mphaxeli, kasiku e ningela txitimwi ka txiluvelo txangu, ni kuhisa dibaselo, e tisa efodhe masoni kwangu; kambe ni ningete nyumbani ka tate wako, yotshe miningelo ya kuhiswa ya vanana va ka Israyeli.

1 Samuwele 28:6

Se Sawule a to wotisa ka Mkoma, kambe Mkoma kha mxamula, hambi ngu miloro, mwendo ngu tixolo, hambi ngu vaprofeti.

Nehemiya 7:65

Se mtirsa a to va gela ti to va nga dye so sawuleka, kala kuza kumaneka mphaxeli, a di ni Urime ni Tumime.

Eksodha 29:1

Ngu tiya u no maha kwawe kasi ku va katekisa ve maha vaphaxeli: U na langa dirole ni tihambana timbidi to mbi na wulima;