Kha ditshuri ni ti amukete ka Mkoma timhaka ti ni nga tshumela ni txi mi ninga nanu, ti taku: Mkoma Jesu, ka wusiku wu a nga ningelwa ngu wona, a tekile dipawu;
Ngu toneto, zumbani ha txikeni ka ditenda da msengeletano, wusiku ni mitshikari, amu ka mtxhanu wa masiku ni mambidi. Mi fanete kuvekisa sileleto siya sa Txizimu, ngako mi si lavi kufa. Sileleto siya ngu sona ni nga gelwa.
Se Mosi a to teka khana ya hamba, e maha ngu yona txikombiso txa mhamba, e yi ndiwitela masoni ka Mkoma. Khana ya hamba ayi yi nga mahwa mningelo wo katekiswa yi lumba Mosi, nga ti Mkoma a nga leletisa tona.
Aniko dirole ni didhowo da kona, ni mafura a kona, ni mswanye, a to ya si tshotsha sotshe ha mndiloni, hahanze ka wugovelo, nga ti Txizimu txi nga ti leletisile tona ka Mosi.
Kambe Mosi a to dhana vanana va Aroni kasiku ve tshuketa hafuri; a to va ambeka mabhaji, e va sunga ngu tibhande, a to va ambeka sigoko nga ti Txizimu, txi nga ti leletile ka Mosi.
se a to sanzeka txigoko ha msungo kwakwe, ni ha ka txigoko ngu khoheni kwakwe, e veka limo la nzalama m'bhoti wo sawuleka, nga tile Mkoma a nga rumisa tona ka Mosi.
txisimbzana ni diromani ngu kurendelekela ka didhawa da hahatshi da nguwo ya hombe, ayi yi nga ti ambalwa ka mbimo ya mthumo wa wukhongeli, nga ti Mkoma a nga leletelisa tona ka Mosi.
Ku to sungwa txinguwana txa hakhana ngu masinda a txona ka masinda a efodhe ngu lingoti lo hehuka la mxowo wa mkuxe, kasi kutsanisa txinguwana txa hakhana ngu libhande la efodhe, ti to txi si pshwitimuki, madingano ni ti Mkoma a nga leletelisa tona ka Mosi.
Ma to vekwa txitimwi ka makata a efodhe, kasiku me maha marigwi a txialakanyiso ka vanana va ka Israyeli, nga tonti Mkoma a nga leletelisa tona ka Mosi.
Se ni libhande li yi nga ti sungwa ngu lona efodhe, ngu txitimwi i ti la lixaka limwelo nayo, i ti lo lukelwa nayo ngu nzalama, la mxowo wa mkungu, mxowo wa txiwunguwungu, wo bhilivila, ni mxowo wa linyu ya lisima yo lukelwa, nga tonti Mkoma a nga leletelisa tona ka Mosi.
Ngu nguwo ya mxowo wa mkuxe, mxowo wa txiwunguwungu, wo bhilivila, kumahilwe syambalo so sawuleka, asi si fanelako kuambalwa ka mbimo ya mthumo wo sawuleka ni syambalo so katekiswa sa mphaxeli Aroni nga ti Mkoma a nga leletelisa tona ka Mosi.