Levhi 8:33 - Bhiblia Yo Sawuleka

³³ Kambe msana ka mtxhanu wa masiku ni mambidi, mi nga humeni ha txikeni ka ditenda da msengeletano; kala ka ditshiku di ku no tatiseka masiku a kusawulekiswa kwanu; nguko ka mtxhanu wa masiku ni mambidi, Mkoma a na mi sawulekisa.

Levhi 8:33 Referans Kwoze

Eksodha 29:35

Ti di ngeto ngu Aroni ni vanana vakwe, u na maha kwawe nga ti ni nga kuleleta; u na va u txi va sawulekisa amu ka mtxhanu wa masiku ni mambidi.

Mitengo 19:12

Ngu ditshiku da wuraru, a na ti basisa ngu mati, se ngu ditshiku da wutxhanu ni mambidi, a na va a di basile; aniko a txi dhuka asi ti basisi ka masiku awa a mararu, a na va a sa basa ka ditshiku da wutxhanu ni mambidi.

Levhi 14:8

Se awule a basiswako, a na kuwula syambalo sakwe, e kuyulwa yotshe misisi yakwe, e samba ngu mati; a na va a di basile, ngu msana, a na wulela wugoveloni, aniko a na zumba hahanze ka ditenda dakwe, mtxhanu wa masiku ni mambidi.

Eksodha 29:30

Amu ka mtxhanu wa masiku ni mambidi a na va a txi si ambala awule ka vanana va Aroni a no va i di mphaxeli, ni ku nga ti a txi wulela ditendani ka msengeletano kasiku e khozela amu ka wukhalo wo sawuleka.

Levhi 8:34

Mkoma ngene a nga ruma kumaha ati hi nga ti maha konkuwa, kasi ku hi txi mana kudivalelwa sionho.

Levhi 15:13

Ngako m'thu wule a nga ti ni mtungu wu wu nga mu yilisa, wu txi maneka wu di hote, a fanete e bala mtxhanu wa masiku ni mambidi msana ka kubasiswa kwakwe. Se a na va a txi kuwula syambalo sakwe, e samba mmidi wakwe ngu mati o basa, se a na va a di basile.