Levhi 8:31 - Bhiblia Yo Sawuleka

³¹ Se Mosi a to khene ka Aroni ni ka vanana vakwe: Bhikani nyama mi di ha txikeni ka ditenda da msengeletano, mi txi yi dyela kona, kumweko ni mapawu ale ma ku txirunduni ka miningelo ya mhamba, nguko Txizimu txi ni leletete, ti to Aroni ni vanana vakwe, ngu vona va ku ni fanelo yo si dya.

Levhi 8:31 Referans Kwoze

Vagalatiya 2:20

Ngu toneto, hi nga ngadi ani ni hanyako, aniko i Kristu a hanyako kwangu. Konkuwa, ni txi hanya wutomi wa mmidi, ni hanya ngu kukholwa ka Mwanana wa Txizimu, awu a nga ni randa, a txi ti ningela ngu ngani.

Johani 6:51

“Ani ni dipawu da kuhanya di nga txhika ngu nzumani. Awu a dyako dipawu diya a na hanya wutomi wo mbi guma. Dipawu di ni no mninga, ngu mmidi wangu ni no wu ningela ngu kulava kuhanyisa ditiko.”

Johani 6:35

Jesu a to va angula a txi khene: “Ani ngani dipawu da wutomi. Awu a tako kwangu, kha na mbiswa a txi pfa nzala; awu a kholwako kwangu kha na mbiswa a txi pfa ditora.

Johani 6:33

nguko dipawu da Txizimu ngu dona di txhikako ngu nzumani, di ta hanyisa ditiko.”

Levhi 10:17

Ngu kutxani mi nga mbi dya nyama ya mabhongwe, ya mningelo wa mhamba yo kuwula txionho ha wukhaloni ko sawuleka, kani? Nguko njilo txo sawuleka ngutu ka Mkoma, a mi ningile kasi ku mi rwala sotshe sionho sa msengeletano, mi maha m'diho wa sionho, masoni ka Mkoma.

Levhi 7:15

Nyama ya txihari txi txi nga mahwa mningelo wa mhamba ya mpatano, yi fanete kudyiwa yotshe ka dona ditshikudo da mhamba, ku si sali ni txa txidotho txo ta dyiwa mangwanani ka kona.

Levhi 6:28

Se khadi yile yo wumbwa yi na bhikelwa ka yona nyama; aniko ngako yi txi bhikelwa ka khadi ya koporo, yi na guvwa, ni kukuwulwa amu ka mati.