Levhi 8:3 - Bhiblia Yo Sawuleka

³ se dhana wotshe msengeletano, kasi ku wu tshangana ha txikeni ka ditenda da msengeletano.

Levhi 8:3 Referans Kwoze

Mithumo 2:1

Ku di hokile ditshiku da Pentekoste, vagondiswa va ti ti maneka votshe va di tshanganile wukhalo wumwewo.

2 Makronika 30:13

Ngu mtxima wa wumbidi ka dilembe ku to sengeletana vathu vavangi ngutu kona Jerusalema, ve maha m'buso wa mapawu o mbi tshumbelwa. I ti ti msengeletano wa hombe ngutu.

Masalmo 22:25

Ni na kudhumisa ni si karali, hagari ka msengeletano wa hombe. Masoni ka vale va ku khozelako, ni na tatisa sithembiso si ni nga si maha.

Nehemiya 8:1

Se ku di hokile mtxima wa wutxhanu ni yimbidi, vanana va ka Israyeli va di madhoropani kwawe, vathu votshe va to sengeletana ngu mbilu yimweyo, ka mtendela wu ku masoni ka Txike txa Mati; se ve gela mabhalani Ezra, ti to e neha dibhuku da Mlayo wa Mosi, a di Mkoma a nga ti ti leletete Israyeli.

2 Makronika 30:25

Ku to maneka litsako la hombe ka wotshe msengeletano wa va ka Judha, ni ka vaphaxeli, ni Valevhi ni ka wotshe msengeletano wa votshe va nga ta ngu Israyeli, ni va luveli va ditiko da Israyeli ni va va hanyako ditikoni ka Judha.

2 Makronika 30:2

Nguko mfumeli a ti ti mani silayelo sa vathangeli vakwe ni sa wotshe msengeletano kona Jerusalema saku va txi maha Pasika ngu mtxima wa wumbidi.

2 Makronika 5:6

Se mfumeli Solomoni ni wotshe msengeletano wa ka Israyeli, va nga ti sengeletanile kwakwe, votshe va ti ti masoni ka dibhokiso da txitumelelano, va txi phaxela ngu tinvuta, ni tihomu ta kwa mbi balwa, hambi kuziva mtengo wa tona ngu kutala.

2 Makronika 5:2

Sekoko Solomoni a to sengeleta otshe madhota a ka Israyeli, ni votshe vathangeli va tihunzu, vakoma va vatate, hagari ka vanana va ka Israyeli, kona Jerusalema, kasiku va txi kwelisa dibhokiso da txitumelelano txa Mkoma, ngu Didhoropani da Dhavhidha, i ku Siyoni, ve neha dithepelani.

1 Makronika 15:3

Se Dhavhidha a to sengeleta votshe va ka Israyeli kona Jerusalema, kasi kuyisa dibhokiso da Mkoma ka wukhalo wa dona, awule a nga ti wu lulamisile.

1 Makronika 13:5

Dhavhidha koko a to sengeleta votshe va ka Israyeli, kukhukhela Siyori wa Egipta kala Hamati, kasi ku veya teka dibhokiso da Txizimu, kona Kiriyate-Jeyarimi.

Mitengo 21:16

Se va to khukha eho va txi ya ka txisima txa Bheheri; ngu konaho Mkoma a nga gela Mosi ku khene: Tshanganisa vathu ni na va ninga mati.

Mitengo 20:8

Teka ndonga, u dhana msengeletano, awe ni mnanda wako Aroni, mi txi randela dirigwi diya, mi txi womba-womba ka vathu; dirigwi di na humisa mati a dona. Se awe u na va ninga mati a mu ka dirigwi; u txi ninga msengeletano wu sela, kumweko ni sifuyo sa wona.

Levhi 8:2

Teka Aroni ni vanana vakwe va txi ya ditendani ka msengeletano, u teka syambalo sa wuphaxeli ni mtona wo tota, ni dirole da mhamba ya kudivalela txionho, tihamba timbidi, ni txirundu txa mapawu o mbi tshumbelwa.

Levhi 8:4

Mosi koko a to maha madingano ni ti Mkoma a nga mleletisa tona; se msengeletano wu to tshangana ha txikeni ka ditenda da msengeletano

Mitengo 8:9

U na gela Valevhi ti to ve tshuketa masoni ka ditenda da msengeletano, se u na tshanganisa votshe vanana va ka Israyeli.

Levhi 14:11

Se Mphaxeli wule a thangelako mhamba yiya yo basisa, a na teka m'thu wule a basiswako, ni sotshe silo sa kona, eya si kombisa masoni ka Mkoma, ha txikeni ka ditenda da msengeletano.