Levhi 8:23 - Bhiblia Yo Sawuleka

²³ se Mosi a to wila thamo ya hamba; mnoha wa kona wa wudotho, a to tota ha tshokani ka nzeve ya txinene ya Aroni ni ka litiho la nyagotwe la mkondoni ka txinene.

Levhi 8:23 Referans Kwoze

Eksodha 29:20

U na yi wila mkolo hamba, u teka mnoha wa wudotho u txi wu tota ha tshokani ka tinzeve ta txinene ka Aroni ni ka vanana vakwe, u na tota kambe aha ka titiho ta vanyagotwe ta mikondo yawe ya txinene; ngu mnoha wu wu no sala, awe u na wu xwayela ha txiluveloni, ngu ka madhawa otshe.

Levhi 14:17

Ngu mtona wu wu nga sala amu ka dianza dakwe, mphaxeli a na tota ngu wona aha ka tshoka ya nzeve ya txinene, ya ene wule a basiswako, ni ka litiho la nyagotwe la dianza da txinene, ni litiho la nyagotwe la mkondo wa kona wa txinene, kona mule a nga gwesa kukhatani ngu mnoha wa txihari txa mningelo wa mhamba.

Levhi 14:14

Aniko mphaxeli a na teka mnoha wa mningelo wa mhamba ya kudivalelwa ka minandu, e tota ngu wona tshokani ka nzeve ya txinene ya wule a sawulekiswako, ka litiho la nyagotwe la dianza da txinene, ni ka litiho la nyagotwe la mkondo wakwe wa txinene.

Vafilipiya 2:17

Aniko, hambi idiku mnoha wangu wo theketwa ngu mphaxo wa mhamba, ni kuthumela likholo lanu, na nengela ni va ni tsaka kumweko ni nanu motshe;

Vafilipiya 1:20

Madingano ni kuxuva ni kuthemba konako, ni pimisa ti to ni na mbi wiswa tingana ni ka kudotho, aniko ngu mhaka ya kotshe kutsana kwangu, konkuwa ni yotshe mbimo, Kristu a na dhumiswa ha mmidi kwangu, mwendo na hanya mwendo na fa.

1 Vakorinto 6:20

Nguko mi xavilwe ngu txuma txa hombe; dhumisani Txizimu koko mmidini kwanu, ni moyani kwanu, asi si lumbako Txizimu.

1 Vakorinto 1:30

Txona ngu txona txi nga hi tshanganisa kumweko ni Jesu Kristu, awule a nga ti maha wutxhari wathu wa kuta ngu ka Txizimu, ni kululama kwathu ni kusawulekiswa kwathu ni kutirulwa kwathu;

1 Vakorinto 1:2

ka Dibanza da Txizimu, adi di ku Korinto, ka va va nga sawulekiswa ngu Kristu Jesu, ava va nga dhanelwa ku ta maha vasawuleki kumweko ni votshe va va khongelako, hani ni hani, ngu ditina da Mkoma Jesu Kristu, i ku Mkoma wawe ni wathu.

Varoma 12:1

Na mi khongotela koko vanathu ngu wumbilu wa Txizimu, ti to mi ningela mimidi yanu, yi maha mhamba ya kuhanya ni ya kusawuleka, ayi yi tsakisako Txizimu, i kuwona mphaxo wu wu lavekako.

Varoma 6:19

Ni womba ngu mawombawombelo a vathu ngu mhaka ya dikhodho da wuthu wanu. Ngako mi nga ningela sihango sanu si thumela wubihi ni kuonha, asi si hambanako ni kuranda ka Txizimu, se konkuwa ningelani sihango sanu si thumela kululama akuwa ku yisako kubasiswani.

Varoma 6:13

mi nga ningeleni sihango sanu kuonhani, si maha matxhari a ku ambi lulama, aniko ti ningeleni ka Txizimu, nga va va nga huma kufani, ve hanya, mi teka sihango sanu si maha matxhari a kululama, a kuthumela Txizimu.

Levhi 14:28

Ngu wonewo mtona a na gwesa tshokani ka nzeve ya txinene ya wule a sawulekiswako, ni ka litiho la nyagotwe la dianza da txinene, ni litiho la nyagotwe la mkondo wa txinene, kona hale a nga gwesa kukhatani ngu mnoha wa mhamba ya minandu.

Vahebheru 5:8

Ene, hambiko i ku Mwanana wa Txizimu, ka sixaniso sakwe, a gondile nzila ya kuengisisa.

Vahebheru 2:10

Kha ditshuri, ti ni fanelo, ti to awule a lumbwako ngu sotshe, awu kambe i ku ene a nga si va nga, ngako a nga lava kuguleta vanana vavangi a txi va veka ka txikhunja txa wudhumo, e thanga ngu kusawulekisa Muhanyisi wa kona ngu wuhetiseki wa sixaniso.

1 Vatesalonika 5:22

Vayilelani sotshe so biha.

Eksodha 29:21

Sekoko u na teka mnoha wu wu ku ha txiluveloni, u txi teka mtona wa kutotwa ko gwitisa, u txi si xwayela ka Aroni ni syambalo sakwe, ka vanana vakwe ni syambalo sawe; a na va a di sawulekisile ene ni syambalo sakwe, vanana vakwe ni syambalo sawe ni vona.

Levhi 7:37

Ayiya mithetho nja timhamba ta mningelo wo hiswa, mningelo wa sakudya, ngu timhamba ta txionho, timhamba ta minandu, ta kutotwa ka vaphaxeli, ni timhamba ta mpatano.

Levhi 14:25

Sekoko a na wila thamo ya txinvhutana txa mhamba ya minandu, ni mnoha wa txona, e gwesa ngu wona tshokani ka nzeve ya txinene ya wule a sawulekiswako, ni ka litiho la nyagotwe la dianza da txinene, ni nyagotwe wa mkondo wakwe wa txinene.