Levhi 8:2 - Bhiblia Yo Sawuleka

² Teka Aroni ni vanana vakwe va txi ya ditendani ka msengeletano, u teka syambalo sa wuphaxeli ni mtona wo tota, ni dirole da mhamba ya kudivalela txionho, tihamba timbidi, ni txirundu txa mapawu o mbi tshumbelwa.

Levhi 8:2 Referans Kwoze

Vahebheru 7:27

Kwakwe kha kulaveki ti to ditshiku ni ditshiku a txi wuyelela kuphaxa mhamba ya sionho sakwe kukhata, ngu msana a txi tshumela e phaxa yimwani mhamba ya sionho sa vathu, nga ti va mahako vamwani vaphaxeli vahombe. Ene a to phaxa mhamba yimweyo dwe ya kuenela, ngu hawa a nga ti ningela ene apune.

Eksodha 39:41

syambalo sa wukhongeli asi si ambalwako ka mbimo ya mthumo wo sawuleka, syambalo so sawuleka sa Aroni mphaxeli, ni syambalo sa vanana vakwe sa mthumo wa wuphaxeli.

Eksodha 28:40

Ka vanana va ka Aroni u na va rungela mahembe, tibhande, u txi va mahela kambe sigoko, ku txi va fanelo ni kutshura.

Eksodha 28:1

U na dhana mwananu Aroni ni vanana vakwe, va ku hagari ka vanana va ka Israyeli, va txi ta hafuhi kwako, ve ta ni thumela amu ka wuphaxeli, i ku vava: Aroni ni vanana vakwe, Nadhabhi, Abhiyu, Eleyazari, ni Itamari.

Levhi 6:10

Se mphaxeli a na ambala syambalo sakwe sa linyu, a txi ambala dibhuluku da linyu, se a na thavisa dikhuma, msana ka kuva mndilo wu di tshokomisile mningelo wo hiswa ha txiluveloni, a txi di veka didhawa ka txiluvelo.

Levhi 8:1

Mkoma a wombile kambe ka Mosi a txi khene:

Levhi 8:3

se dhana wotshe msengeletano, kasi ku wu tshangana ha txikeni ka ditenda da msengeletano.

Levhi 8:10

Sekoko, Mosi a to teka mtona wo tola e tota wukhalo wo sawuleka, ni sotshe si si manekako konaho, se sotshe si manekile si di sawulekil.

Levhi 8:18

Msana keto, Mosi a to ruma ti to hamba yi tiswa, kasi ku ta maha mningelo wa mhamba yo hiswa; se Aroni ni vanana vakwe, va to sanzeka manza awe ha msungo ka hamba;

Levhi 8:22

Msana keto, Mosi a to ruma ti to kutiswa hamba ya wumbidi ya mhamba yo katekisa mphaxeli, aha Aroni ni vanana vakwe va nga sanzeka manza awe ha msungo ka hamba;