Levhi 8:17 - Bhiblia Yo Sawuleka

¹⁷ Aniko dirole ni didhowo da kona, ni mafura a kona, ni mswanye, a to ya si tshotsha sotshe ha mndiloni, hahanze ka wugovelo, nga ti Txizimu txi nga ti leletisile tona ka Mosi.

Levhi 8:17 Referans Kwoze

Eksodha 29:14

Aniko, nyama ya dirole, didhowo da kona ni mswanye wa kona, u na ya si hisela hahanze ka wugovelo. Awuwa mphaxo wo dihela sionho.

Vagalatiya 3:13

Kristu a dihile kasiku a txi hi tirula ka dikhombo da kuruketelwa ngu Mlayo, ene a ti mahile wo ruketelwa ha wukhaloni kwathu, nguko Mibhalo yi kha yona: “A na ruketelwe wuhi ni wuhi a nga hayekwa ha phandeni.”

Levhi 16:27

Aniko dirole ni mabhongwe, sa mningelo wa kuthavisa sionho, asile mnoha wa sona wu nga tiswa kasi kubasisa wukhalo wo sawuleka, si fanete kuyiswa hahanze ka wugovelo; si txi ya hiswa kona, i ku didhowo, nyama, ni masembe a kona.

Levhi 6:30

Kambe kha ku na mbi dyiwa ni sa mphaxo ni wawumwewo wa kudivalelwa ka txionho, awule mnoha wa kona wu tiswako ditendani ka msengeletano, kasi ku ta sawulekisa nyumbani; wu nga dyiwe, wu na hiswe ha mndiloni.

Levhi 4:21

Mphaxeli a na ruma ti to didhuna di humiswa hahanze ka wugovelo, se koneyo a na ya di hisa mndiloni, nga ti a nga maha ngu didhuna do khata. Ayiya i mhamba yo mahela txionho txa msengeletano.

Levhi 9:11

Kambe nyama ya kona ni didhowo, a to si vinza ha mndiloni, hahanze ka wugovelo.

Ezekhiyele 43:21

Sekoko u na teka dirole da kudivalelwa ka txionho, di txi ya hiswa ka wukhalo wa nyumba yile ku no leletwa ka yona, hahanze ka nyumba yo sawuleka.