Levhi 8:14 - Bhiblia Yo Sawuleka

¹⁴ Sekoko Mosi a to ruma kuve tisa txirolyana txa mhamba ya txionho; Aroni ni vanana vakwe va to sanzeka manza awe ha msungo ka txirolyana txa mhamba ya kuthavisa txionho.

Levhi 8:14 Referans Kwoze

Ezekhiyele 43:19

Se vaphaxeli va ka Levhi, i ku va liveleko la ka Zadhoki, va tshuketelako kwangu (kuwomba Mkoma Txizimu) ku ta ni thumela, u na va ninga dirole, kasi kukuwula sionho.

1 Pedro 3:18

Kha ditshuri, Kristu nene a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu. A fite ngu ka mmidi, aniko a hanyisilwe ngu ka moya.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Varoma 8:3

Nguko ati mlayo wu nga ti tanda ngu mhaka ya dikhodho da mmidi, Txizimu txi ti mahile, ngu kurumela Mwanana wa txona, a di ni txiemo txa wuthu wa txionho, kasi ku ta xula txionho, ni ku txi abanisa kona mmidini;

Isaya 53:10

Hambi keto, Mkoma a tsakete ku mxanisa, e mpfisa kupanda, ngako muhefemulo wakwe wu txi maha mhamba yo thavisa sionho, a na wona vatukulu vakwe, a na andisa masiku, se litsako la linene la Mkoma, li na kula manzani kwakwe.

Masalmo 66:15

Ni na hisa txiluveloni kwako sihari so nona; ni na ku luva ngu tihamba, marole ni tiphongo.

Levhi 16:21

Se Aroni a na sanzeka manza ha msungo ka mabhongwe wo hanya, se e ti tshanza ngu wotshe wubihi wa vanana va ka Israyeli, ni wotshe wuhambunyeti wawe, madingano ni sotshe sionho sawe; a na si veka txitimwi ka msungo wa mabhongwe, a txi m'heleketa txiwulani, ngu dianza da m'thu wu a nga emiselwa kumaha toneto.

Levhi 16:6

Msana keto, Aroni a na ningela dirole da matune, da mningelo wu wo divalela sionho sakwe; kambe a na maha ngu mhaka ya sionho sakwe, ni sa ngamu yakwe.

Levhi 8:2

Teka Aroni ni vanana vakwe va txi ya ditendani ka msengeletano, u teka syambalo sa wuphaxeli ni mtona wo tota, ni dirole da mhamba ya kudivalela txionho, tihamba timbidi, ni txirundu txa mapawu o mbi tshumbelwa.

Levhi 1:4

Se a na sanzeka dianza dakwe ka msungo wa txihari txa mhamba yo hiswa, kasi ku mhamba yi amukelwa, se ene e mana kudivalelwa sionho sakwe.

Levhi 4:15

Se madhota a msengeletano ma na sanzeka manza a ona ha msungo ka txidhunana, masoni ka Mkoma, konaho didhuna di na wilwa mkolo.

Mitengo 8:12

Valevhi ngu msana, va na sanzeka manza ha misungo ka marole; se u na teka didhuna dimwedo u txi maha mphaxo ngu dona, mphaxo wa txionho; se dimwani didhuna u na maha mphaxo wa kuhiswa ka Mkoma, kasi ti to Valevhi ve mahelwa mphaxo wa txionho.

Ezekhiyele 43:20

Kambe u na teka mnoha wa kona, u txi wu veka ka mune wa makhona, ni ka mune wa titshulu ta m'dhweva, ni ka likasa lo ranganyeta, u na mahisa eto kusawulekisa ni kudivalela sionho.

Ezekhiyele 44:27

Ka ditshiku dile mphaxeliyo a wulelako ka wukhalo wo sawuleka, ka mtendela wa mndani, kasi kuthuma ka wukhalo wo sawuleka, a na ningela mningelo wa kudivalelwa kwakwe sionho, kuwomba Mkoma Txizimu.