Levhi 8:11 - Bhiblia Yo Sawuleka

¹¹ Se a to xwayela txiluvelo mtxhanu wa sikhati ni simbidi ngu mtona, e tota ngu wona simaha sotshe, mkamba wa kona ni txikazelo txa kona, kasi ku si sawulekisa.

Levhi 8:11 Referans Kwoze

Titosi 3:6

awu txona Txizimu txi nga wu thela ngu kuenela txitimwi kwathu ngu Jesu Kristu Muhanyisi wathu;

Ezekhiyele 36:25

Sekoko ni na xwaya mati o sawuleka txitimwi kwanu, mi na sawulekiswa; ni na mi sawulekisa ka yotshe nzambwa yanu, ni ka sotshe sithombe sanu.

Isaya 52:15

Ngu kumaha keto, a na xamalisa matiko o tala, ni vafumeli va na pwata ni txo ngu mhaka yakwe, nguko va na wona ni ti va sinziko kuziviswa, se ni tile va nga mbi tipfa, va na ti pima.

Eksodha 30:29

U na si basisa simaheso kambe si na va so sawuleka; sotshe asile si no si gwesa si na va si txi sawuleka.

Eksodha 16:19

Se Mosi a ti khene kwawe: “Ni wammweyo a nga veke so ta dya mangwana.”

Eksodha 16:14

Mbimo yi ku nga tshatsheka hunguva yi yi nga ti wite ha mafuni ka txiwulani, ku to humelela mpupu wo songanyana, wo nga tindoho to hehuka nga hunguva txitimwi ka mafu.

Eksodha 4:17

Awe u na ñola ndonga yiya manzani kwako, u txi maha sikombiso ngu yona.”

Eksodha 4:6

Mkoma a to engeta a txi khene: “Konkuwa veka dianza dako hakhana kwako.” Ene a to veka dianza hakhana, se mbimo yi a ngadi thavisa, a to di wona di di hindukile di txi basa ngu tshekela di txi nga hunguva.

Eksodha 29:36

Ditshiku ni ditshiku u na maha mningelo kambe wa dirole da matune, kasi kumaha mningelo wo dihela sionho. U na maha mningelo ha txiluveloni kasi ku txi basiswa sionho, ngako u txi maha ngu kudihela sionho, u na txi tota ni ku txi sawulekisa.

Eksodha 29:37

Amu ka masiku a mtxhanu ni mambidi u na maha mhamba ya kubasisa txiluvelo u txi sawulekisa; se nga toneto txiluvelo txi na va txi di sawulekile, ni sotshe sile ni gwesako txiluvelo si na va si txi sawulekiswa.

Levhi 4:6

se mphaxeli a na beta litiho mu ka mnoha, e xwayela ngu wona mtxhanu wa sikhati ni simbidi, masoni ka Mkoma, masoni ka m'jiyo wa wukhalo sawuleka.

Levhi 4:17

Se mphaxeli a na nakanisa litiho amu ka mnoha, e xwayela ngu wona mtxhanu wa sikhati ni simbidi masoni ka Mkoma, ni masoni ka m'jiyo.

Levhi 14:16

se e beta litiho lakwe la dianza da txinene, amu ka mtona wu wu ku ka dianza da txibhabha, a txi xwayela ngu lona litiho liya li ku ni mtona, amu ka mtxhanu wa sikhati ni simbidi, masoni ka Mkoma.