Levhi 7:36 - Bhiblia Yo Sawuleka

³⁶ Ngu tiya Mkoma a nga leleta ka va ka Israyeli, ti to ve ninga vaphaxeli, kukhukhela ka ditshiku dile va nga totwa ngu dona; awuwa mlayo wa kwa mbi na magwito, ka situkulwana.

Levhi 7:36 Referans Kwoze

Levhi 8:12

Msana keto, a to thela mtona ha msungo ka Aroni, e maneka a di katekisilwe masoni ka Txizimu.

Levhi 8:30

Kambe Mosi a to teka mtona wo tota ngu wona, ni mnoha wu wu nga ti txitimwi ka txiluvelo, xwayela ngu sona Aroni ni syambalo sakwe sa wuphaxeli, kumweko ni vanana vakwe, ni syambalo sawe sa wuphaxeli. Ngu toneto, Mosi a katekisile Aroni ni vanana vakwe, kumweko ni syambalo sa wuphaxeli.

Levhi 3:17

Njileleto txa kwa mbi gwita ka tiveleko tanu, kotshe mu mi no zumba kona: Mi nga dyeni mafura ni ka kudotho, hambi ni mnoha.

1 Samuwele 2:28

Se ani ni msawute hagari ka totshe tihunzu ta va ka Israyeli kuva mphaxeli, kasiku e ningela txitimwi ka txiluvelo txangu, ni kuhisa dibaselo, e tisa efodhe masoni kwangu; kambe ni ningete nyumbani ka tate wako, yotshe miningelo ya kuhiswa ya vanana va ka Israyeli.

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”