Levhi 7:34 - Bhiblia Yo Sawuleka

³⁴ Nguko khana yi ningelwako na ku txi mahwa mhamba yo ndiwitela, ni txiphanga txa txinene, txi txi phawuswako kasi kumaha txyavelo, nzimaha si ani ni nga ti vekela ka totshe ti ti mahwako ngu va ka Israyeli, kasiku ni si ningela ka mphaxeli Aroni ni vanana vakwe. Mthetho wuwa mbwo kala kupinduka, awu va ka Israyeli va ku ni fanelo yo wu xonipha.

Levhi 7:34 Referans Kwoze

Dhewuteronome 18:3

Asiya koko si dingana kuamukelwa ngu vaphaxeli, ka vathu vale va mahako mhamba ngu homu, mwendo ngu txifuyo txatxidotho, ngu siya: Va na ningela ka mphaxeli, txiphanga, ni milaka ni divhi.

Levhi 3:17

Njileleto txa kwa mbi gwita ka tiveleko tanu, kotshe mu mi no zumba kona: Mi nga dyeni mafura ni ka kudotho, hambi ni mnoha.

Eksodha 29:9

U na sunga Aroni ngu libhande ni vanana vakwe, avale u no va ambalisa sigoko. Wuphaxeli wu na va lumba kala kupinduka. U na va u txi emisela Aroni ka wuphaxeli ni vanana vakwe.

Eksodha 29:26

U na teka khana ya hamba ya kusawulekiswa ka Aroni, u txi yi ndiwitela ati to ku txi maha mhamba ya ku ndiwitela masoni ka Mkoma, se eto txi na va i di txyavelo txako.

Levhi 7:33

Mphaxeli i ku mmweyo wa vanana va Aroni, awu a mahako mningelo wa mnoha, ni kuhisa mafura ya mhamba ya mpatano, ngene a fanelako kuningwa txiphanga txa txinene.

Mitengo 5:9

Sotshe si so sawuleka, asi vanana va ka Israyeli va heleketako ka mphaxeli si lumba ene.

Mitengo 8:11

Se Aroni a to ningela Valevhi kasi kuve mningelo wa kundiwitela masoni ka Mkoma, awu wu humako ngu ka vanana va ka Israyeli. Vona Valevhi wu na va mthumo wawe ka Mkoma.

Mitengo 6:20

Se mphaxeli a na si maha mningelo wa lisima masoni ka Mkoma. Sona mningelo wo sawuleka wa mphaxeli, kumweko ni khana yi yi nga ningelwa, ni mningelo wu wu nga siyetwa. Msana keto, Mnazira a nga sikota kusela vhinya.