Levhi 7:26 - Bhiblia Yo Sawuleka

²⁶ Hambi ni hani amu mi manekako mi di kona, mi nga dyeni mnoha, hambi wa txihari mwendo txinyana.

Levhi 7:26 Referans Kwoze

Genesisi 9:4

Aniko mi nga dyeni nyama ni mnoha wa yona, nguko mnoha mbutomi.

Mithumo 15:20

Va na bhalelwe ti to ve leka asi si nga yiliswa ngu sizimu, ni wugelegele, ni nyama ya sihari si si nga dawa ngu kukamwa mkolo, ni mnoha.

Levhi 3:17

Njileleto txa kwa mbi gwita ka tiveleko tanu, kotshe mu mi no zumba kona: Mi nga dyeni mafura ni ka kudotho, hambi ni mnoha.

1 Timoti 4:4

Nguko sotshe si Txizimu txi nga si va nga nza sinene; kuwalo txi txi fanelako kunyenywa, ngako hi txi txi amukela ngu kubonga.

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,

Mithumo 15:29

Mi txi leka kudya tinyama ta kuphaxelwa sithombe, ni mnoha, ni tinyama ta sile si nga fa ngu kukamwa mkolo, mi txi thava txionho txa wugango. Mi na hanya wutomi wa wunene, ngako mi txi vayilela sotshe siya. Salani.”

Johani 6:53

Jesu koko a to khene kwawe: “Ngu ditshuri, ngu ditshuri, na mi gela, ni khani: Ngako mi si dyi mmidi wa Mwanana wa M'thu, ni kungako mi si seli mnoha wakwe, anu kha mi na mbi va ni wutomi mndani kwanu.

Ezekhiyele 33:25

Va gele koko u txi khawe: Mkoma Txizimu a khene: Midya ni mnoha, se mi guleta maso mi wona sithombe sanu, kambe ma theketa mnoha! Ina mi na lumbwa ngu ditiko diya kani?

Levhi 7:25

Ngako m'thu a txi dya mafura a txihari txi txi nga mahwa mningelo ka Mkoma, a na tutumiswa aha ka msengeletano wa va ka kwawe.

Levhi 7:27

Awule a tsanako a txi dya mnoha wa lixaka la ni txihi txi txi nga dawa, a na tutumiswa ka va ka kwawe.

Levhi 19:26

Kha mi na mbi dya nyama yi yi ku ni mnoha; kha mi na mbi wotisa ka nyamsoro, kambe kha mi na mbi xaxuva ka nyatixolo!

Dhewuteronome 12:16

Kambe mnoha mi nga dyeni, wu theketeni ha mafuni ku nga mo theketa mati.

Dhewuteronome 12:23

Kambe ti wonele, u si dyi mnoha, nguko mnoha mbutomi. Ngu toneto, u nga dye wutomi ni nyama.

Dhewuteronome 15:23

Mnoha wa kona dwe u nga dye; wu thekete ha mafuni nga mati.

Eksodha 22:30

U na maha nga toneto ngu matiwula a tihomu tako ni tinvuta tako; amu ka mtxhanu wa masiku ni mambidi si na zumba ni vamame va kona, se ngu ka ditshiku da wutxhanu ni mararu u na si hambanisa u txi si ninga ani.